35 (Na ulya alewona kaṟingyishia, na wuṟingyishi wokye nyi wo loi, na oe naichi kye nagamba loi kundu na nyoe muiṙime iiṙikyia).
Inyi ngachihiyo kyipfa kyanyu kye ngyiwekyeri ipfo-pfo, kundu muiṙikyie. Kyaindi sindenyi kokye.”
Na inyi ngyilemanya kye uyoe nokyengyiaṙanyia mfiri yoose, kyaindi kyipfa kya wandu-wa waisanzia iha ngyilegamba ishi, kundu waiṙime iiṙikyia kye nyi iyoe ulengyiṙuma.”
Na wulalu ngamuongoya isho shilaafukyia kundu ilyi shechiafukyia muiṙime iiṙikyia.
Na nyoe taa muingyiṟingyishia, cha kyipfa wookyia mawookyionyi muwekyeri hamwi na inyi.
Kyasia kyiyeri Yesu alewona wamae, na manalosho ulya awemkundi agoṟokyi kufuhi, nalewia wamae, “Mama, mmbutie cha nyi mono-pfo.”
Kyaindi ishi shileṟeio, kundu muiṙime iiṙikyia kye Yesu nyi oe Kristo, Mono-Ruwa; na kui iiṙikyia muwone moo o mlungana kui rina lyakye.
Ichu nyi manalosho ulya aṟingyishia na iṟeia mbonyi-tsi; na soe luichi kye wuṟingyishi wokye nyi loi.
Na soe lui waṟingyishi wa shindo shoose aleshiwuta urukyenyi lo Wayuda na Yerusalemu; ulya walemmbaaga na immanyika ikyiṙinyi.
Cha kyipfa shoose shilesonguo iṟeio shileṟeio kundu shiluloshe soe; kundu kui wusimiri na iwiyiṟio moo lya shiṟeio luiṙime iwaṙa ikusuria.
Ngyiterewa wameeku wa siṟi wakyeri konyu, inyi ngyikyeri meeku oṙiawo, na mṟingyishi o wukyiwa Kristo alelyiso, na ienengo kyiṟumi kyechiloṟo ipfo-ndu luiyenda;
Ngamuṟeia nyoe shindo-sho, kundu mumanye kye muwoṙe moo o mlungana, nyoe muiṙikyie Rina lya Mono-Ruwa.
Demetirio naṟingyishio nyi wandu woose, lyingyi-se na wuloi wulya wumonyi. Na soe taa loṟingyishia, na iyoe nuichi kye wuṟingyishi woṙu nyi loi.