Yohane 19:24 - Kivunjo New Testament 1999

²⁴ Kyasia wakawiana, “Lulairanduo, kyaindi luikapie kuṟu kuha, lumanye yechiwa ya wui. Kundu kyiṟeio kyiafukyie, kyilya kyigambie, ‘Walegawa nguwo tsako, na ikunya lyako walelyikapia kuṟu kuha.’ ” Nyi wuṙo asikari walya walewuta.

Yohane 19:24 ပူးပေါင်းရင်းမြစ်များ

Matayo 27:35

Wammarise imkapia msalabenyi, wakagawa mkoṟoṟi okye wechikapa kuṟu kuha; kundu kyiafukyie kyindo kyilya kyileṙeṙo nyi moonguo shisuku, “Walegawiana nguwo tsako; na kyipfa kya ikunya lyako walekapa kuṟu kuha.”

Mariko 15:24

Wakamkapia msalabenyi, wakagawa mawale gakye, wakagakapia kuṟu kuha orio mndu naṙuo kyi.

Luka 23:34

Yesu kagamba, “Awu, uwahooṟie, kyipfa waichi kyindo waiwuta-pfo.” Wakagawana nguwo tsakye, wechikapa kuṟu kuha.

Yohane 10:35

Kokooya nalelaga waruwa wandu walya waleambilyia shiṟeio shiele; (na shiṟeio shiele sheiṙima iilachika-pfo);

Yohane 13:18

Ngyiṙeṙa mbonyi tsa nyoe moose-pfo. Ngyiichi walya ngyilewasambuṟa; kyaindi kyiṟeio kyiiṙime iafukyia; kyiṟeio kyilya kyigambie, “Ulya alelya kyelya kyako nawa mokyituwa oko.”

Yohane 19:28

Isho shoose shammbutikye, na Yesu aichi kye shoose shammbutika kundu kyiṟeio kyiafukyie, nalegamba, “Ngyiwoṙo nyi nyoṙa.”

Mawuto Ga Wasu 13:27

Cha kyipfa walya wekyekaa Yerusalemu, na wasongoru wawo, kyipfa walalemmanya oe, maa imanya malosho ga weonguo shisuku gekyesomo orio mfiri o onyonya, walegaafutsia kui imwanduya.