Yohane 19:19 - Kivunjo New Testament 1999

¹⁹ Na Pilato kaachikyia kyiṟeio, kakyiwikyia halya msalabenyi, kyigambie: “YESU O NASARETI, MANGYI O WAYUDA.”

Yohane 19:19 ပူးပေါင်းရင်းမြစ်များ

Matayo 2:23

Kakaa mṟinyi uwekyelago Nasareti; kundu kyiafukyie kyindo kyileṙeṙo nyi weonguo shisuku: “Nechilago Mnasorayo.”

Matayo 27:37

Wakawikyia wuye ya mṙoe okye kyindo kyeloṟa kyimaṙuma kyewoogo, kyindo kyikyiṟeie: “ICHU NYI YESU, MANGYI O WAYUDA.”

Mariko 15:26

Hawewoṙe na kyiṟeio kya ianduyo lyakye kyigambie, “MANGYI O WAYUDA.”

Luka 18:37

Wakammbia, “Yesu o Nasareti aiiṙa.”

Luka 23:38

Na wuye yakye hawewoṙe kyiṟeio: “ICHU NYI OE MANGYI O WAYUDA.”

Yohane 1:49

Natanaelyi kamgaluo, kagamba, “Rabi, iyoe nyi Mana o Ruwa, nyi oe mangyi o Isiraelyi.”

Yohane 18:33

Kyasia Pilato kaiṙa-se na kulya numbenyi ya wuchilyi, kalaga Yesu, kammbia, “Ngyesa iyoe nyi Mangyi o Wayuda?”

Yohane 19:12

Na wookyia kyiyeri-kyo Pilato kakunda impfunguo; kyaindi Wayuda wakakalagatsa, wechigamba, “Kopfunguo ichu, iyoe chi mbuya ya Kaisari-pfo. Orio mndu aikuloṟa cha ilyi oe nyi mangyi akyeri ura lo Kaisari-pfo.”

Yohane 19:14

Na nyi-we mfiri o ikuṟeyeṟa ko mṟumoe o Pasaka, kyiyeri kya saa tsiṟandaaṟu tsa kyingoto. Kawawia, “Lanyoe, Wayuda. Aichu Mangyi onyu!”

Yohane 19:21

Kyasia wang'anyi wa makohanyi na Wayuda wakawia Pilato, “Ulaṟeie ‘Mangyi o Wayuda’; ṟeia chandu alegamba ‘Inyi nyi mangyi o Wayuda.’ ”

Yohane 19:3

Wakayenda halya-ndu awekyeri, wechigamba, “Lokuiṟikyiṟa, Mangyi o Wayuda!” Wakamkapa ngofi.

Mawuto Ga Wasu 26:9

Loi, inyi ngyilewona mrimenyi koko kye kyingyiwaṟi iwuta shindo shifoi shelyisa wukyiwa walya wekyeosha Yesu awukyie Nasareti;

Mawuto Ga Wasu 3:6

Kyaindi Petiro kagamba, “Inyi ngyiwoṙe heleri, maa sahapu-pfo, indi kyilya ngyiwoṙe ny'kyo ngyikuenenga. Ko rina lya Yesu Kristo awukyie Nasareti, goṟoka uyende.”