Yohane 19:13 - Kivunjo New Testament 1999

¹³ Kyasia kyiyeri Pilato aleicho mbonyi-tso, nalefumiṟia Yesu nja, kaṙamia kyiṙinyi kyakye kyeanduya, handu hawehaale magoe gang'anyi, hekyelago Gabata, ko mṙeṙie o Kyiebrania.

Yohane 19:13 ပူးပေါင်းရင်းမြစ်များ

Matayo 27:19

Na kyiyeri Pilato aweṙamie kyiṙinyi kyakye echiṙumbuo moondu, mka okye nalemṙumia ndumo, immbia, “Ulawutie mndu-cho msumganyi kyindo kyoose; cha kyipfa kyio-kyi kyaamkyia inu ngyileloṙo kyakye ngawihiyo mnu.”

Luka 12:5

Kyaindi ngyemmbia mochimwowuo. Owuonyi ulya akyeri kye kammbaaga mndu nechiiṙima immbiyitsa Ngyehenenyi. Yee ngyimmbia, owuonyi icho.

Yohane 19:17

Yesu kafuma, akuṙikyie msalaba okye, mṟasa handu hawekyelago, “Ipoṟong'u” ang'u kui mṙeṙie o Kyiebrania, Golyigota.

Yohane 19:20

Kyasia kyiṟeio-kyo kyilewono nyi wandu wafoi kyiiṙi kya Wayuda, kyipfa halya-ndu Yesu alekapio msalabenyi nyi-we kufuhi na mṟi; na kyiṟeio-kyo kyiwekyeri kui mṙeṙie iṟaṟu: Kyiebrania, Kyilatin na Kyikyiṟikyi.

Yohane 19:8

Kyasia kyiyeri Pilato aleicho mbonyi-tso kaengyeṟa iowuo.

Yohane 5:2

Na ipfo Yerusalemu kufuhi na moongo o moondo hawewoṙe iruwa lya mṟinga, lyekyelago Betisata ko mṙeṙie o Kyiebrania, nalyo lyiwewoṙe mbuo tsitaanu.

Mawuto Ga Wasu 4:19

Petiro na Yohane wakawagaluo, wakawawia, “Kye nyi sungusinyi mbele ya Ruwa imuaṙanyia nyoe kuta Ruwa, ṙumbuonyi nyoe muwenyi,