Yohane 18:33 - Kivunjo New Testament 1999

³³ Kyasia Pilato kaiṙa-se na kulya numbenyi ya wuchilyi, kalaga Yesu, kammbia, “Ngyesa iyoe nyi Mangyi o Wayuda?”

Yohane 18:33 ပူးပေါင်းရင်းမြစ်များ

Matayo 27:11

Na Yesu kagoṟoka mbele ya ulya awekyechilyia uruka lulya. Mchilyi-cho kammbesa, kagamba, “Iyoe nyi oe mangyi o Wayuda?” Yesu kammbia, “Iyoe nogamba.”

Matayo 27:27

Naaho-ng'u asikari wa mchilyi o uruka lulya wakaṙuo Yesu mṟasa Praitorio ngyuulyimalyi tsingyi tsoose tsikakuumbia halya-ndu awekyeri.

Mariko 15:2

Pilato kammbesa, “Iyoe nyi oe mangyi o Wayuda?” Kagaluo, kammbia, “Iyoe nogamba.”

Luka 23:2

Wakawooka imshitakyi, wechigamba, “Lulewona ichu eṙetsa wandu waṙu, na iima wandu walatae kodi ko Kaisari, echigamba kye oe amonyi nyi Kristo, mangyi.”

Yohane 1:49

Natanaelyi kamgaluo, kagamba, “Rabi, iyoe nyi Mana o Ruwa, nyi oe mangyi o Isiraelyi.”

Yohane 12:13

Wakafunja maṟamba ga mashiṙi gai cha makangachi, wakafumia nja indemwambilyia. Wakakalagatsa, wechigamba, “Mndumii naṟumisho! Ulya ammbikyie mboṟa aicha kui rina lya Mndumii, Mangyi o Isiraelyi!”

Yohane 12:15

“Mulaowuoe wandu wa Yerusalemu; mangyi onyu naicha, naṙamilyie nzoi.”

Yohane 18:34

Yesu kamgaluo, kagamba, “Iyoe nuigamba kuṙo kui makusaṟo gapfo, ang'u wandu wengyi walekuwia mbonyi tsako?”

Yohane 18:37

Kyasia Pilato kammbia, “Kokooya nyi wuṙo iyoe nyi Mangyi-ng'ue?” Yesu kagaluo, kagamba, “Nogamba kye inyi nyi Mangyi. Ngyilefeo kunu wuyanenyi kyipfa kya kyindo kyimwi tupu, ionguo mbonyi tsa loi. Orio mndu aichi mbonyi-tso tsa loi nekyeosha shilya ngyekyegamba.”

Yohane 18:38

Pilato kammbia, “Mbonyi tsa loi ny'kyikyi?” Pilato amṙeṙe na Yesu kawuya-se na ko Wayuda, kawawia, “Inyi ngyiwonyi ṙeko lyoose ko mndu-chu-pfo.

Yohane 19:12

Na wookyia kyiyeri-kyo Pilato kakunda impfunguo; kyaindi Wayuda wakakalagatsa, wechigamba, “Kopfunguo ichu, iyoe chi mbuya ya Kaisari-pfo. Orio mndu aikuloṟa cha ilyi oe nyi mangyi akyeri ura lo Kaisari-pfo.”

Yohane 19:3

Wakayenda halya-ndu awekyeri, wechigamba, “Lokuiṟikyiṟa, Mangyi o Wayuda!” Wakamkapa ngofi.

Yohane 19:4

Numa ya iho Pilato kafumia-se nja, kawawia, “Mndu-chu ngyimwende na konyu, muiṙime imanya kye inyi ngyiwonyi ṙeko lyoose kokye-pfo.”

Yohane 19:9

Kaiṙa-se na kulya numbenyi ya wuchilyi, kawia Yesu, “Iyoe nuwukyie kwi?” Kyaindi Yesu alemgaluo kyindo-pfo.

1 Timoteo 6:13

Ngakuwia mbele ya Ruwa ekyeringa shindo shoose, na mbele ya Kristo Yesu, alegamba iiṙikyia lyakye mbele ya Pontio Pilato,