Yohane 18:3 - Kivunjo New Testament 1999

³ Kyasia Yuda, aṙuṙanyi na asikari na waṟundi wawewukyie ko wang'anyi wa makohanyi na Mafarisayo, kayenda pfo, waṙuṙe taa na shimii na shisha.

Yohane 18:3 ပူးပေါင်းရင်းမြစ်များ

Matayo 25:1

“Naaho-ng'u Wumangyi wo ruwewu wochifanana na wana wa kyika ikumi, waleira taa tsawo, wakafuma indeambilyia monyi wolyi.

Yohane 13:2

Na kyiyeri kya kyelya kya kyukonyi; Mokyiriinzi naleenenga Yuda, mana o Simion Isikariote, ngoo yemṟiinga.

Yohane 18:12

Kyasia asikari walya na msongoru o wayuda walewaṙa Yesu, wakampfunga.

Yohane 18:18

Na watumo walya wa waṟundi wawegoṟokyi mbai weoṙa moṙo; kyipfa kuwewoṙe mbeho. Petiro na oe nawekyeri hamwi nawo, echioṙa moṙo.

Yohane 18:22

Kyasia kyiyeri alegamba isho, mṟundi umwi kyiiṙi kya walya wawegoṟokyi kufuhi kakapa Yesu ukofi, echigamba, “Nuigaluo kuṙo Mkohanyi ang'anyi kuta woose?”

Yohane 19:6

Kyasia wang'anyi walya wa makohanyi na waṟundi wawo kyiyeri walemmbona, walekalagatsa, wechigamba, “Mkapie msalabenyi! Mkapie msalabenyi!” Pilato kawawia, “Mṙuonyi nyoe, mundemkapia msalabenyi; cha kyipfa ngyiwonyi ṙeko kokye-pfo.”

Yohane 7:32

Mafarisayo wakaicho wandu walya wechinunuwa kyipfa kya Yesu. Kyasia wang'anyi wa makohanyi na Mafarisayo wakaṙuma waṟundi kundu wammbaṙe.

Mawuto Ga Wasu 1:16

kagamba, “Wana wa wama, kyiwewaṟi shiṟeio shiele shiafukyie, shiṟeio Mumuyo Mweele aleshionguo kui ṙumbu lya Dawidi, mbonyinyi tsa Yuda, alesongoya walya walewaṙa Yesu.

Mawuto Ga Wasu 10:1

Kulya Kaisaria kuwewoṙe mndu awekyelago Korinelyio, mchilyi o ulyimalyi lokyelago “Kyiitalyia.”