Yohane 18:17 - Kivunjo New Testament 1999

¹⁷ Kyasia kyisinga kyilya, kyiwewoṙe iṟunda lyeringa moongo, kyikawia Petiro, “Ngyesa iyoe ui umwi o wanalosho wa mndu-chu-pfoe?” Na oe kagamba, “Chi inyi-pfo.”

Yohane 18:17 ပူးပေါင်းရင်းမြစ်များ

Matayo 26:33

Petiro kagaluo, kammbia, “Wakawihiyo woose kyipfa kyapfo, inyi ngyechiwihiyo maa ale-pfo.”

Luka 22:54

Wakammbaṙa, wakamṙuo, wakayenda na oe kanyi ko Mkohanyi ang'anyi kuta woose. Na Petiro nalemwosha ai kuleshi.

Yohane 18:16

Kyaindi Petiro kagoṟoka nja moongonyi. Kyasia manalosho ulya ungyi aweichio nyi Mkohanyi ang'anyi kuta woose kafuma, kaṙeṙa na kyisinga kyekyeringa moongo, kaitsa Petiro na numba.

Yohane 18:25

Simion Petiro nawekyeri pfo echioṙa moṙo. Kyasia wakammbia, “Ngyesa iyoe ui umwi o wanalosho wakye-pfoe?” Na oe kakana, kagamba, “Chi inyi-pfo.”

Yohane 18:5

Wo wakamgaluo, wakagamba, “Nyi Yesu o Nasareti.” Yesu kawawia, “Nyi inyi.” Yuda ulya alemṟiinga nawegoṟokyi hamwi nawo.

Yohane 18:8

Yesu kagaluo, kagamba, “Ngamummbia kye nyi inyi. Kyasia kokooya muingyipfula inyi, lekyienyi iwa wayende.”

Yohane 21:15

Kyasia wamlye, Yesu kawia Simion Petiro, “Simion mana o Yohane, ungyikundi kuta iwa?” Kammbia, “Yee, Mndumii, iyoe nuichi kye ngyikukundi.” Kammbia, “Ambuya shiondo shako.”

Mawuto Ga Wasu 12:13

Na oe kyiyeri alekapa hodi halya kyichuminyi, kyisinga kyekyelago Roda, kyikacheaṙanyia.