Yohane 17:23 - Kivunjo New Testament 1999

²³ Inyi ngyiwe kyindo kyimwi nawo, na iyoe uwe kyindo kyimwi na inyi, kundu wawaṙane tapu; na wandu wa wuyana wamanye kye nyi iyoe ulengyiṙuma, kowakunda wo chandu ulengyikunda inyi.

Yohane 17:23 ပူးပေါင်းရင်းမြစ်များ

Yohane 10:38

Kyaindi ngagaṟunda, maa kokooya mulangyiiṙikyia inyi, iṙikyienyi maṟunda-go; muiṙime imanya kye Awu nai kyiiṙi kyako, na inyi ngyii kyiiṙi kya Awu.”

Yohane 13:35

Kuṙo wandu woose wechimanya kye nyoe mowa wanalosho wako, kokooya mokundana nyoe wenyi ko wenyi.”

Yohane 14:10

Uiṙikyie kye inyi ngyikyeri kyiiṙi kya Awu, na Awu nakyeri kyiiṙi kyako? Isho ngyimuongoya wulalu chi makusaṟo gako inyi-pfo kyaindi nyi Awu ulya akyeri kyiiṙi kyako aiṟunda shilya akundi iṟunda.

Yohane 14:23

Yesu kagaluo, kammbia, “Mndu kangyikunda nechiosha kyilya malosho gako gakundi; na Awu oko nechimkunda; na soe lochicha na kokye, na iwika kyiṟaṟo kokye.

Yohane 15:9

“Chandu Awu alengyikunda inyi, na chandu ngyilemukunda nyoe, kaenyi ikundenyi lyako.

Yohane 16:27

cha kyipfa Awu namukundi kyipfa nyoe mongyikunda inyi, na iiṙikyia kye inyi ngyilewuka ko Awu.

Yohane 17:11

“Maa inyi ngyikyeri-se wuyanenyi-pfo, kyaindi wo wakyeri wuyanenyi, na inyi ngyiicha na kopfo. Awu mweele, kui rina lyapfo ulengyienenga uwaringye iwa, kundu wawaṙane tapu chandu soe lukyeri.

Yohane 17:21

Woose wawaṙane tapu; chandu iyoe, Awu, ukyeri kyindo kyimwi na inyi, na inyi kyindo kyimwi na iyoe; iwo nawo wawe kyindo kyimwi na soe; kundu wandu wa wuyana waiṙime iiṙikyia kye nyi iyoe ulengyiṙuma.

Yohane 17:24

Awu, iwo ulengyienenga ngyikundi wakae handu hamwi na inyi orio handu ngyikyeri, waiṙime iwona mng'ano ulengyienenga; cha kyipfa nulengyikunda wookyia wuyana wulagumbo.

Yohane 17:26

Na inyi ngyilewaloṟa iyoe nyi wui, lyingyi-se ngyechiengyeṟa iwuta kuṙo, kundu ikunda lyilya ulyiwoṙe koko lyikae mrimenyi kowo na inyi ngyiwe kyindo kyimwi nawo.”

Yohane 17:3

Na moo o mlungana nyi: ‘Wakumanye iyoe, Ruwa o loi kulawoṙe ungyi; na Yesu Kristo ulemṙuma.’

Yohane 17:8

Cha kyipfa malosho ulengyienenga ngyilewaṙambika; nawo wakagaambilyia, wakamanya loi kye ngyilewuka kopfo, wakaiṙikyia kye nyi iyoe ulengyiṙuma.

Yohane 3:17

Cha kyipfa Ruwa aleṙuma Mana wuyanenyi kundu naanduye wuyana-pfo, indi wuyana wukyiṟo kui oe.

Yohane 6:56

Mndu alya mmbiu oko na inyo samu yako nekyekaa kyiiṙi kyako na inyi ngyekyekaa kyiiṙi kyakye.

1 Wakorinto 1:30

Indi kui oe nyoe moiṙima iwa kyiiṙi kya Kristo Yesu, alefeo koṙu cha wuṟango wuwukyie ko Ruwa, na wusumganyi, na wuele, na wukyiṟo;

2 Wakorinto 5:21

Oe alaichi wunyamaṟi nalemmbuta kyipfa kyaṙu, kundu soe luiṙime iwa wusumganyi wo Ruwa kui oe.

Wagalatia 3:28

Kuwoṙe-se Myuda maa Mkyiṟikyi-pfo. Kuwoṙe-se mtumo ang'u alakyeri mtumo-pfo. Kuwoṙe-se mndu msoṟo maa mndu mka-pfo. Kyipfa nyoe moose mowa kyindo kyimwi kyiiṙi kya Kristo Yesu.

Waefeso 3:15

Kyasia soe lukyeri wandu waafutsie kyimrima lukusaṟe isho; na maa mukokusaṟa shindo shingyi kyindonyi kyoose, Ruwa nechimushukuya na ilyo.

Wakolosai 1:28

Icho luionguo mbonyi tsakye, lochiikyimbia orio mndu, na ilosha orio mndu wuṟangonyi woose, luiṙime iende orio mndu aafutsie iiṙikyia kyiiṙi kya Kristo.

Wakolosai 2:2

Kundu wawiyiṟio moo mrima yawo, wechisanzo ikundenyi wawone wunjama woose wo imanya kui wuloi, waiṙime imanya nakamwi wuṟikyi wo Ruwa, kyimwi na igamba kye nyi Kristo;

Wakolosai 3:14

Ngoseṟa ya isho shoose waṙenyi ikunda, lyikyeri nyilyo lyaafutsia iiṙikyia.

1 Petiro 5:10

Na Ruwa o isaṟia lyoose, alemulaga nyoe iiṙa na kyiṟuminyi kyakye kya mlungana kyiiṙi kya Kristo, mukomlyiso wukyiwa kyiyeri kyitutu, oe amonyi nechimmbutia-se orio kyindo muwaṟi iwutio, na imuenenga pfinya.

1 Yohane 1:3

Lumuongoya nyoe Ṙeṙo lyilya lulelyiwona na ilyiicho, kundu na nyoe taa muiṙime ikaa hamwi na soe; na ikaa lyaṙu handu hamwi nyi hamwi na Awu, hamwi na Mono-kye Yesu Kristo.

1 Yohane 3:1

Kumbuonyi nyi ikunda lya mbaṟe iha Awu aleluenenga, kye lulago wana wa Ruwa; na nyi wuṙo lukyeri. Kyipfa kya ikyo wandu wa wuyana waluichi-pfo, cha kyipfa walemanya Ruwa-pfo.

1 Yohane 4:19

Soe lukundi cha kyipfa oe nalelukunda soe kuwooka.

Ulogo 3:9

Ngakuenenga wandu wafoi wakyeri wa sinagogi lya Satana, wekyegamba kye nyi Wayuda, nawo chi Wayuda-pfo, indi wekyeṙeṙa wongo. Ngyechiwaitika wachepfiria ndi maṙendenyi gapfo, na imanya kye ngakukunda.