Yohane 17:11 - Kivunjo New Testament 1999

¹¹ “Maa inyi ngyikyeri-se wuyanenyi-pfo, kyaindi wo wakyeri wuyanenyi, na inyi ngyiicha na kopfo. Awu mweele, kui rina lyapfo ulengyienenga uwaringye iwa, kundu wawaṙane tapu chandu soe lukyeri.

Yohane 17:11 ပူးပေါင်းရင်းမြစ်များ

Matayo 10:16

“Inyi ngyimṙuma cha moondo ko shisii. Kyasia waṙenyi wuṟango cha njoka, na iwa wahoo cha mbuna.

Matayo 5:48

Kyasia nyoe mochiwa wandu walawoṙe mti, chandu Awu-yonyu o ruwewu alawoṙe mti.”

Matayo 6:9

Kyasia nyoe terewenyi kuṙi, ‘Awu-yoṙu ukyeri ruwewu, Rina lyapfo lyitano lyiele,

Yohane 13:1

Kyasia, mṟumoe o Pasaka ulandeafukyie Yesu nalemanya kye kyiyeri kyakye kyewuka kunu wuyanenyi iyenda ko Awu, kyiwemshika. Na nalekunda walya wawekyemwosha kunu wuyanenyi, kawakunda mnu.

Yohane 13:3

Yesu aichi kye Awu namṙambikyie shoose na kye nawukyie ko Ruwa na oe naiyenda ko Ruwa,

Yohane 14:20

Mfiri ulya mochimanya kye inyi na Awu oko nyi kyindo kyimwi, na inyi na nyoe nyi kyindo kyimwi.

Yohane 16:28

Ngyilewuka ko Awu, na inyi ngyilecha na kunu wuyanenyi. Lyingyi-se ngyiwuka kunu wuyanenyi; na iyenda ko Awu.”

Yohane 16:33

Isho ngammbia muiṙime iwaṙa ufoṟo muwaṙanyi na inyi. Kunu wuyanenyi muwoṙe fowa; kyaindi kuwanzenyi; inyi ngyilewinga wuyana.”

Yohane 17:23

Inyi ngyiwe kyindo kyimwi nawo, na iyoe uwe kyindo kyimwi na inyi, kundu wawaṙane tapu; na wandu wa wuyana wamanye kye nyi iyoe ulengyiṙuma, kowakunda wo chandu ulengyikunda inyi.

Yohane 17:25

Awu, iyoe okyeanduya kulawoṙe ikundia, wandu wa wuyana walekumanya-pfo; kyaindi inyi ngyilekumanya, na iwo wamanya kye nyi iyoe ulengyiṙuma.

Yohane 17:6

Walya ulengyienenga kunu wuyanenyi ngyilewashukuya kyiṟumi kyapfo. Wawekyeri wapfo, kowangyienenga, na malosho gapfo wekyegaosha.

Yohane 7:33

Kyasia Yesu kagamba, “Hatsugai kyiyeri kyifuhi ngyikyeri hamwi na nyoe; numa ya iho ngyechiyenda ko ulya alengyiṙuma.

Mawuto Ga Wasu 3:21

Ulya awaṟi ikaa ruwewu mṟasa kyiyeri shindo shoose shewa shihya, kyiyeri kyikyigambe nyi Ruwa kui ṙumbu lya weonguo shisuku waele wookyia mawookyionyi ga wuyana.

Waroma 12:5

na wuṙo na soe chandu lukyeri wafoi lukyeri mmbiu umwi kyiiṙi kya Kristo, na shiwungo, orio umwi ko oṙoe.

Waroma 9:17

Kyipfa shiṟeio shagamba kya Farao kye, “Ngyilekugoṟotsa kyipfa kya ikyi, kundu ngyiloṟe pfinya tsako kopfo, rina lyako lyiongoyo urukyenyi koose.”

1 Wakorinto 1:10

Kyasia wana wa wama wako, ngamuterewa, kui rina lya Mndumii oṙu Yesu Kristo, nyoe muṙeṙe kyindo kyimwi; maa halawaṙe nduutsano, indi muwaṙe makusaṟo gamwi.

Wagalatia 3:28

Kuwoṙe-se Myuda maa Mkyiṟikyi-pfo. Kuwoṙe-se mtumo ang'u alakyeri mtumo-pfo. Kuwoṙe-se mndu msoṟo maa mndu mka-pfo. Kyipfa nyoe moose mowa kyindo kyimwi kyiiṙi kya Kristo Yesu.

Wafilyipi 4:4

Mmbiu umwi, na Mumuyo umwi, chandu mulewelago ikusurienyi lyimwi lya kyilya mulelagio.

Waefeso 2:9

Koikyo lyingyi-se Ruwa nalemwiria wuye, kamwenenga Rina lyiiṟie orio rina;

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waebrania 9:24

Cha kyipfa Kristo aleiṙa na handu haele haleachikyio nyi wandu-pfo, nyicho mfano o handu haele ha loi; indi naleiṙa na ruwewu ya loi nawono wulalu mbele ya Ruwa kyipfa kyaṙu.

Yakobo 4:4

Lanyoe waṟui, muichi kye iwaṙa mbuya na wuyana nyi iwaṙa kyituwa na Ruwa-pfoe? Kyasia orio mndu akundi iwaṙa mbuya na wuyana nekyewa nawaṙa kyituwa na Ruwa.

1 Petiro 1:5

Na nyoe mokyeringo nyi pfinya tsa Ruwa kui njia ya iiṙikyia mṟasa muiṙime iwona wukyiṟo wuwuṟeyeṟe wuloṟo kyiyeri kya mafurumionyi.

1 Yohane 3:12

Lulawe cha Kaini awekyeri o Satana, kawaaga mono-wama okye-pfo. Na oe nalemmbaaga kyipfa kya kyikyi? Cha kyipfa mawuto gakye gawemawicho, na galya ga mono-wamae gawei ga wusumganyi.

1 Yohane 5:19

Luichi kye soe lukyeri wana wa Ruwa; na wandu wa wuyana woose taa wekyekaa ko Satana.

Yuda 1:1

Inyi Yuda, mṟundi o Yesu Kristo, na mono-wama o Yakobo, ngyimuṟeia paruo-i nyoe muwalage nyi Ruwa, mulekundo nyi Ruwa Awu, na ikoomo kyipfa kya Yesu Kristo.

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 15:4

Nyi wui alekyekuowuo na ikuindia, Iyoe Mndumii, na iṟumisha rina lyapfo? Cha kyipfa iyoe kumonyi nukyeri Mweele; cha kyipfa masanga goose gechicha gaterewe na iindia mbele yapfo; cha kyipfa mawuto gapfo ga wusumganyi gamloṟo.”

Ulogo 19:12

Na meso gakye gawei cha ulumi lo moṙo, na mṙoenyi kokye naweṟee maṟikoso gafoi; na oe nawoṙe rina lyilyiṟeie, kulawoṙe mndu alyiichi sile oe amonyi.

Ulogo 4:8

Na iwa waana wai na moo, orio umwi nawewoṙe makungo gaṟandaaṟu; na ngyuura tsoose na kyanumba waweichuo meso, maa wekyeonyonya kyingoto maa kyio-pfo, wechigamba, “Mweele, Mweele, Mweele, Mndumii Ruwa Mopfinya, awekyeri pfo na akyeri pfo na echicha.”