Yohane 16:7 - Kivunjo New Testament 1999

⁷ Kyaindi inyi ngammbia shii loi; mochiwona kyiira inyi ngayenda; cha kyipfa inyi ngyilandeyende, Mtarami-cho echicha na konyu-pfo; indi inyi ngayenda, ngyechimṙika konyu.

Yohane 16:7 ပူးပေါင်းရင်းမြစ်များ

Luka 24:49

Na inyi ngyimuendie kyaasa kya Awu oko; kyaindi ṙionyi kunu mṟinyi, mṟasa muṟiko pfinya tsiwukyie wuye.”

Luka 4:25

Kyaindi, kyaloi ngyimmbia, “Kuwewoṙe waka wakusu wafoi urukyenyi lo Isiraelyi kacha kyiyeri kya Elyiya, lyilya ngyina tsileshingo tsilawute mvuo kyiyeri kya maka iṟaṟu na mori iṟandaaṟu, uruka loose lukowaṙa njaa ing'anyi.

Luka 9:27

Na inyi ngyimmbia loi, kuwoṙe wandu wagoṟokyi iha, walechiwona upfu maa ale, mṟasa wawone kuwooka Wumangyi wo Ruwa.”

Yohane 14:26

Kyaindi Mtarami-cho, Mumuyo-cho Mweele, ulya Awu echimṙika kui rina lyako, nechimulosha shoose, na imukumbuṟa shoose ngyilemmbia.

Yohane 14:28

Muleicho kye inyi ngyilemmbia, ‘Ngyiyenda na ngyiicha-se na konyu.’ Kokooya muwengyikundi, muwechichihiyo kyipfa ngyiyenda ko Awu; cha kyipfa Awu nang'anyi kuta inyi.

Yohane 14:3

Kyasia inyi ngyindemuṟeyeṟia handu hekaa. Ngyechicha-se ngyimuṙuo koko; kundu handu ngyikyeri, na nyoe mukae ho.

Yohane 15:26

Kyaindi kyiyeri-kyo Mtarami-cho echicha, ngyechimṙika iwuka ko Awu, Mumuyo-cho o loi awukyie ko Awu, oe nechingyiṟingyishia.

Yohane 16:8

Na oe kamcha nechiloṟa wandu wa wuyana kye wekyeṙeko kyiyeri wekyegamba kye waichi mbonyi tsa wunyamaṟi. Kye waichi kyiha kyikyeri kya sungusinyi na kye waichi mbonyi tsa ianduyo nyi Ruwa.

Yohane 7:39

Kyiyeri Yesu aweiṙeṙa naweionguo mbonyi tsa Mumuyo o Ruwa, walya wamwiṙikyie wechimwambilyia kyiyeri kya numa; cha kyipfa Mumuyo o Ruwa alekoamcha-pfo, cha kyipfa Yesu alekoamwirio wuye na ienengo kyiṟumi-pfo.

Mawuto Ga Wasu 10:34

Petiro kawooka iṙeṙa, kagamba, “Loi ngyiichi kye Ruwa awoṙe ikundia-pfo;

Mawuto Ga Wasu 2:33

Kyasia oe, kamṙoso mṟasa kuwoko ko kulyoe ko Ruwa, na iambilyia ko Awu kyaasa kyilya kya Mumuyo Mweele, napusuo kyindo-kyi mukyiwonyi na ikyiicho wulalu.

Waroma 8:28

Na soe luichi kye shindonyi shoose Ruwa nekyeṟunda hamwi na walya wamkundi kyiiṙi kya iwanenga mecha, kyimwi na igamba soe luwalage chandu Ruwa akundi.

2 Wakorinto 4:17

Kyipfa matuuro gaṙu gai maangu, gakyeri ga kyiyeri kyifuhi tikyi, gekyeluwutia mng'ano o mlungana uingyikyie mnu.