Yohane 16:33 - Kivunjo New Testament 1999

³³ Isho ngammbia muiṙime iwaṙa ufoṟo muwaṙanyi na inyi. Kunu wuyanenyi muwoṙe fowa; kyaindi kuwanzenyi; inyi ngyilewinga wuyana.”

Yohane 16:33 ပူးပေါင်းရင်းမြစ်များ

Matayo 9:2

Wandu wakamwendie mndu awoṙe ndoṟe ya ipfa ngapfu ura lumwi, alee kyitaṟenyi, na Yesu kyiyeri alewona iiṙikyia lyawo, nalewia ulya awoṙe ndoṟe-yo, “Kuwanze lying'anyi mrimenyi, mono-ko; omhooṟio maṙeko gapfo.”

Luka 19:38

wechigamba, “Nyi oe ammbikyie mboṟa Mangyi aicha kui rina lya Mndumii. Ufoṟo ruwewu, na mng'ano ipfo wuye.”

Luka 2:14

“Naṟumisho Ruwa wuye Ruwewu, na wuyanenyi kuwe ufoṟo ko wandu awakundi.”

Yohane 12:31

Wulalu nyi kyiyeri kyeanduya wuyana. Wulalu Satana, mchilyi o wuyana-wu, nechiwiyitso nja.

Yohane 14:1

“Maa mulaiṟewe mrimenyi konyu; muiṙikyie Ruwa, ngyiiṙikyienyi na inyi.

Yohane 14:27

Ngamṙeeya ufoṟo. Ufoṟo loko ngamuenenga. Chandu ngyimuenenga chi wuṙo wuyana wokyeenenga-pfo. Mulaiṟewe mrimenyi konyu, maa mulawaṙe wuowu.

Yohane 16:11

Kye wechianduyo kyipfa Satana, mchilyi o wuyana-wu, amwanduyo.

Mawuto Ga Wasu 14:22

wechikarisha mrima ya wanalosho na iwawia wakae kyiiṙi kya Iiṙikyia lyilya, na kye kyiluwaṟi iiṙa na Wumangyinyi wo Ruwa kui njia ya matuuro gafoi.

Mawuto Ga Wasu 23:11

Kyio kyilya Mndumii kagoṟoka kufuhi na oe, kagamba, “Kuwanze; cha kyipfa chandu uleṟingyishia mbonyi tsako Yerusalemu, kyikuwaṟi ingyiṟingyishia kuṙo kulya Roma.”

Mawuto Ga Wasu 27:22

Wulalu ngammbia, kuwanzenyi, cha kyipfa kuwoṙe mndu maa umwi kyiiṙi kyaṙu echiṙeka sile ngalawa tupu-pfo.

Mawuto Ga Wasu 27:25

Kyasia, wasoṟo, mulakuinaṙie; cha kyipfa ngyiiṙikyie Ruwa, kye shindo shechiwa wuṙo chandu ngawio.

Mawuto Ga Wasu 9:31

Kyasia Siṟi ikawona sia urukyenyi lo Uyuda na Galyilaya na Samaria. Siṟi ikawaṙa pfinya, ikaengyeṟika, yechiindia Mndumii Yesu na iwiyiṟio moo nyi Mumuyo Mweele.

2 Wakorinto 1:3

Ruwa naṟumisho, Awu o Mndumii oṙu Yesu Kristo, Awu o isaṟia, Ruwa o iwiyiṟia moo lyoose;

2 Wakorinto 13:11

Numa ya iho, wana wa wama, nakonyu. Muafutsie, muwiyiṟio moo. Kusurienyi kyimwi, mukae ufoṟonyi. Na Ruwa o ikunda na ufoṟo nechikaa hamwi na nyoe.

2 Wakorinto 2:14

Kyaindi Ruwa naano, ekyeluenenga ichihiyo kyipfa kya wuwinzi kyiiṙi kya Kristo, na iloṟa mpfaamo mcha o ulogo lo Kristo handu hoose kui iṟunda lyaṙu.

2 Wakorinto 4:7

Kyaindi luwoṙe wunjama-wu shindonyi sha teri, kundu pfinya ing'anyi ya wuiṙimi iwe ko Ruwa, maa chi iwuka koṙu-pfo.

2 Wakorinto 6:4

Indi orio kyindonyi luiwuta luwone kyiṟumi kyicha, cha waṟundi wa Ruwa; kui wusimiri wung'anyi, wukyiwenyi, fowenyi, matuuronyi.

2 Wakorinto 7:4

Ngyiwoṙe wukari wung'anyi konyu; ngyiwoṙo nyi ikushela lying'anyi kyipfa kyanyu. Ngyiichuo nyi iwiyiṟio moo, wukyiwenyi woṙu woose ngaichuo sia ya ngosera.

Wagalatia 1:4

Ulya alereka mrima okye kyipfa kya ngyuunyamaṟi tsaṙu, kundu nalukyiṟe mawicho ga kunu wuyanenyi lukyeri wulalu, chandu Ruwa, Awu oṙu, alekunda.

Wagalatia 6:14

Kyaindi inyi, ote, ngyilakushelyie kyindo kyoose sile msalaba o Mndumii oṙu Yesu Kristo, ulya ulengyienenga inyi iṙa iosha mbonyi tsa wuyana.

Waefeso 4:7

Na ufoṟo lo Ruwa, luiṟie wuṟango woose lochiringa mrima yanyu na makusaṟo ganyu kyipfa muwalungye na Kristo Yesu.

Wakolosai 1:20

Na kyiiṙi kyakye isanza shindo shoose na oe amonyi, amwende ufoṟo kui samu ya msalaba okye; kokooya nyi shindo shikyeri urukyenyi, ang'u shikyeri ruwewu.

1 Watesalonikye 3:4

Cha kyipfa kyiyeri luwekyeri konyu lulesonguo immbia kye lochilya wukyiwa, chandu kyilewutika, na nyoe muichi.

1 Watesalonikye 3:7

Kyipfa kya ikyo, wana wa wama, mbonyi tsanyu tsileluwiyiṟia moo, ngyuukyiwenyi tsaṙu tsoose, kui iiṙikyia lyanyu.

2 Watesalonikye 3:16

Wulalu, Mndumii o ufoṟo amonyi namuenengye ufoṟo kyiyeri kyoose kui njia tsoose. Mndumii nawe hamwi na nyoe moose.

2 Timoteo 3:12

Yee, na woose wakundi iwaṙa mkaṟo yeowuo na ikunda Ruwa kyiiṙi kya Kristo Yesu wechipfulutso nyashi.

Waebrania 11:25

Kawona nyi nanga ilyiso wukyiwa hamwi na wandu wa Ruwa kuta ipfula sia ya wunyamaṟi wo kyiyeri kyifuhi;

Waebrania 7:2

Ulya Abrahamu alemgawia kyifunjoe kya ikumi kya shindo shoose; (rina lyakye lya kuwooka nyi mangyi o wusumganyi, lyingyi-se nyi mangyi o Salemu, kyimwi na igamba, mangyi o ufoṟo.

1 Petiro 5:9

Na nyoe mmbingyenyi, mulailoloma iiṙikyienyi, muichi kye wukyiwa wulya wulya wukyeri ko wana wa wamanyu wakyeri wuyanenyi.

1 Yohane 2:13

Ngyimuṟeia nyoe waawu, cha kyipfa momanya ulya akyeri pfo wookyia mawookyionyi. Ngyimuṟeia nyoe wanakye, cha kyipfa mowinga ulya mmbicho. Ngamuṟeia nyoe wana, cha kyipfa momanya Awu.

1 Yohane 4:4

Nyoe, wana watutu, muwoṙe mumuyo uwukyie ko Ruwa; na nyoe mowawinga; cha kyipfa ulya akyeri mrimenyi konyu nang'anyi kuta ulya akyeri wuyanenyi.

1 Yohane 5:4

Cha kyipfa orio mndu amfee nyi Ruwa nekyewinga wuyana; na kunu nyipfo iwinga lyiwingyie wuyana kui iiṙikyia-lyo lyaṙu.

Ulogo 12:11

Nawo wakammbinga kui samu ya Kyiondo kya Ruwa, na kui mbonyi tsa wuṟingyishi wowo; walya walalekunda moo yawo mṟasa ipfa.

Ulogo 3:21

Ulya mowinga, ngyechimwenenga momu o iṙamia hamwi na inyi kyitimenyi kyako kya mng'ano, chandu na inyi ngyilewinga ngaṙamia hamwi na Awu oko kyitimenyi kyakye kya mng'ano.

Ulogo 7:14

Ngamgaluo, ngammbia, “Mndumii oko, nuichi iyoe.” Kangyiwia, “Iwo nyiwo wawukyie kulya wukyiwenyi wung'anyi, nawo wasanjie nguwo tsawo, na itsiilyiṟa peṟu samunyi ya Kyiondo kya Ruwa.