Yohane 16:26 - Kivunjo New Testament 1999

²⁶ Na mfiri-cho mochiterewa kui rina lyako; maa ngyimmbia kye inyi ngyechimuterewia ko Awu-pfo;

Yohane 16:26 ပူးပေါင်းရင်းမြစ်များ

Yohane 14:16

Na inyi ngyechiterewa Awu, na oe nechimuenenga Mtarami ungyi, kundu nakae na nyoe mṟasa mlungana.

Yohane 14:20

Mfiri ulya mochimanya kye inyi na Awu oko nyi kyindo kyimwi, na inyi na nyoe nyi kyindo kyimwi.

Yohane 16:19

Yesu nalemanya kye wawekundi immbesa; kawawesa, “Ny'kyo muiwesana, kye ngyilegamba, ‘hatsugae kyiyeri kyitutu na nyoe mochingyiwona-pfo; na lyingyi-se hatsugae kyiyeri kyitutu na nyoe mochingyiwona?’

Yohane 16:23

Lyingyi-se mfiri ulya mochingyiwesa kyindo kyoose-pfo. Ny'kyaloi ngammbia, mukoterewa Awu kyindo kyoose nechimuenenga kui rina lyako.

Yohane 16:30

Wulalu lomanya kye nuichi shindo shoose; kuwoṙe kyimaṙuma kya mndu ikuwesa kyindo-pfo. Koikyo loiṙikyia kye nulewuka ko Ruwa.”

Yohane 17:19

Na kyipfa kyawo ngakuṙambika kopfo ngyikuṟundie, kundu nawo wakuṙambikye kopfo wakuṟundie, wailyisho nyi Ṙeṙo lyapfo lyii lya loi.

Yohane 17:24

Awu, iwo ulengyienenga ngyikundi wakae handu hamwi na inyi orio handu ngyikyeri, waiṙime iwona mng'ano ulengyienenga; cha kyipfa nulengyikunda wookyia wuyana wulagumbo.

Yohane 17:9

Inyi ngyiwaterewia iwo; ngyiterewia wandu wa wuyana-pfo; indi iwo ulengyienenga, cha kyipfa iwo nyi wako;

Waroma 8:34

Nyi wui eiṙima igamba kye nawaṟi iolotsio ngapo? Kristo Yesu nyi oe alepfa; yee, na ngoseṟa ya isho, naleṟuka ko wapfu, na oe naṙamie kuwoko ko kulyoe ko Ruwa. Ngoseṟa nyi oe ailuterewia.