Yohane 16:25 - Kivunjo New Testament 1999

²⁵ “Isho ngamuongoya kui mbia. Kyiyeri kyiicha ngyilechiṙeṙa-se na nyoe kui mbia; kyaindi mbonyi tsa Awu ngyechimuongoya na pata.

Yohane 16:25 ပူးပေါင်းရင်းမြစ်များ

Mariko 4:13

Kawawia, “Muichi mfano-chu? Kyasia mfano yoose moimanya kuṙa?

Mariko 4:34

Maa aleṙeṙa nawo kulawoṙe mfano-pfo; kyaindi kaongoya wanalosho wakye amonyi mbonyi tsoose kui kyiṟika.

Mariko 8:32

Na oe naweionguo mbonyi-tso na pata. Petiro kamṙuo, kawooka imṙeria.

Yohane 10:24

Kyasia Wayuda wakamwiṟiwia, wakammbia, “Nolyisa mrima yaṙu wukyiwa mṟasa indi? Kokooya iyoe nyi oe Kristo uluwie na pata.”

Yohane 10:6

Mfano-cho Yesu nalewawia; kyaindi wo walemanya kyindo aweiwawia-pfo.

Yohane 16:12

Ngyiwoṙe shindo shifoi shemuongoya, kyaindi moiṙima ishienenga ṙaawa makusaṟonyi ganyu wulalu-pfo.

Yohane 16:2

Wechimuletsana na walya wekyeyenda masinagoginyi; yee loi kyiyeri kyiicha orio mndu aimbaaga echikusaṟa kye naiindia Ruwa kui iwuta kuṙo.

Yohane 16:32

Kyiyeri kyiicha, nakyo kyamcha, kyiyeri mochinyanyaṟika orio mndu kanyi kokye, na ingyiṙa ngyimonyi. Kyaindi inyi ngyikyeri ngyimonyi-pfo, cha kyipfa Awu nakyeri hamwi na inyi.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.