Yohane 16:20 - Kivunjo New Testament 1999

²⁰ Ny'kyaloi ngammbia, nyoe mochilyia na ikapa ṟanyi, indi wandu wa wuyana wechichihiyo. Nyoe mochiwoṙo nyi fowa, kyaindi nyi fowa yanyu yechiwa sia.

Yohane 16:20 ပူးပေါင်းရင်းမြစ်များ

Matayo 21:38

Kyaindi waṙemi walya kyiyeri walewona mana ulya, wakaṙeṙa wo wenyi ko wenyi, wechigamba, ‘Ichu nyi mokyioṟa. Sindenyi lummbaage, luṙuo kyooṟa kyakye.’

Matayo 5:4

Wagusu iwo wawasokyie nyi fowa; kyipfa iwo wechiwiyiṟio moo.

Mariko 14:72

Na cha ilyi ilying'onyi lyikafuga lya kawi. Petiro kakumbuo kyindo kyilya alewio nyi Yesu, “Ilying'onyi lyilafuga kawi, nochingyikana kaṟaaṟu.” Na kyiyeri alekusaṟa kyipfa kya ṙeṙo-lyo, kalyia.

Mariko 16:10

Icho naleyenda kaongoya mbonyi walya wawekyeri hamwi na oe, nawo waweikapa ṟanyi na ifiiṟa.

Luka 22:45

Kyiyeri alewuka kyiterewonyi, kacha na ko wanalosho wakye, kawakooya walee maṙoe kui fowa.

Luka 22:62

Kafuma na nja kafiiṟa mnu.

Luka 23:27

Wuingyi wung'anyi wo wandu wukomwosha, na waka wawekapa-kapa shipoota na ikapa ṟanyi kyipfa kyakye.

Luka 24:17

Kawawia, “Nyi maṙeṙo ga mbaṟe iha muwiana kuṙi ilyi muichumia?” Wakagoṟoka walemie nzineeri.

Luka 24:21

Na soe luwekusurie kye oe nyi oe echikyiṟa Isiraelyi. Ngoseṟa ya isho shoose, inu nyi mfiri o kaṟaaṟu wookyia shilewutika isho.

Luka 6:21

Wagusu nyoe muwoṙo nyi njaa wulalu, kyipfa mochiiguṙa. Wagusu nyoe muifiiṟa wulalu, kyipfa mochiseka.”

Yohane 16:33

Isho ngammbia muiṙime iwaṙa ufoṟo muwaṙanyi na inyi. Kunu wuyanenyi muwoṙe fowa; kyaindi kuwanzenyi; inyi ngyilewinga wuyana.”

Yohane 16:6

Indi cha kyipfa ngammmbia isho fowa iichuo mrimenyi konyu.

Yohane 20:20

Na oe amgambe kuṙo, kawaloṟa mawoko gakye na uwari lokye. Kyasia wanalosho walya wakachihiyo kyiyeri walewona Mndumii Yesu.

Mawuto Ga Wasu 5:41

Nawo wakawuka halya mengyenyi, wechihiyo cha kyipfa watalo kye wawaṟi isutso kyipfa kya Rina lya Yesu.

Waroma 5:11

Maa chi wuṙo tikyi-pfo, indi na ichihiyo kyiiṙi kya Ruwa kui Mndumii oṙu Yesu Kristo, ulya kui oe wulalu loambilyia isanzo-lyo.

2 Wakorinto 6:10

Cha wandu wawoṙo nyi fowa, indi mfiri yoose luwoṙe sia; cha wakyiwa indi lochiiritsa wafoi; cha walawoṙe kyindo, indi luwoṙe shido shoose.

Wagalatia 5:22

Kyaindi ndunda tsa Mumuyo nyi ikunda, sia, ufoṟo, ikarishia, kyiṙo kyicha, itarama wakyeri wukyiwenyi, iwuta kyilya mndu ateṟia,

1 Watesalonikye 1:6

Na nyoe mukoluosha na iosha Mndumii, momuambilyie Ṙeṙo lya Ruwa kyiiṙi kya ilya wukyiwa, hamwi na sia ya Mumuyo Mweele.

Yakobo 1:2

Wana wa wama wako, talenyi kye nyi sia tikyi, mukooloka shiyeshonyi sha orio mbaṟe;

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 11:10

Na walya wekyekaa urukyenyi waichihiyo kyipfa kyawo na ikapa ngulyilyi na ngoru. Nawo wechiṙikyiana shindo shicha wo wenyi ko wenyi, cha kyipfa weonguo shisuku-wo wawi waleenenga ilya wukyiwa walya wekyekaa urukyenyi.

Ulogo 18:7

Iṙuana na chandu alekuṙosa na iwuta shindo sha sia tsa wuyana, muenengyenyi mawawio na fowa wuṙo. Cha kyipfa nekyegamba mrimenyi kokye, ‘Ngyikyeri mangyi o kyika, maa chi mkusu-pfo, maa ngyechiwona fowa maa ale-pfo.’