Yohane 16:17 - Kivunjo New Testament 1999

¹⁷ Kyasia wanalosho wakye waata wakawesana, “Mbonyi tsiha itso aigamba, ‘Hatsugae kyiyeri kyitutu na nyoe mochingyiwona-pfo, na lyingyi-se hatsugae kyiyeri kyitutu na nyoe mongyiwona?’ Na ‘Cha kyipfa ngyiyenda ko Awu?’ ”

Yohane 16:17 ပူးပေါင်းရင်းမြစ်များ

Mariko 9:10

Wakawuta kyilya walewio, wechiwesana wo wenyi ko wenyi, “Iṟuka-lyo ko wapfu lyagamba kyi?”

Mariko 9:32

Kyaindi walemanya ṙeṙo lyilya-pfo, wakaowuo immbesa.

Luka 18:34

Kyaindi walemanya mbonyi-tso maa ale-pfo, na kyindo-kyo kyiwekyiṟikye kowo, maa walemanya kyileṙeṙo-pfo.

Luka 9:45

Kyaindi walemanya kyindo kyilya-pfo, kyikaṟiko kowo walakyimanye; wakaowuo immbesa kyitambuluo kya kyindo-kyo.

Yohane 12:16

Mbonyi-tso wanalosho wakye waletsimanya ipfo mawookyionyi-pfo; kyaindi kyiyeri Yesu aleng'anyiso nyi lyo-ndu walekumbuo kye shiṟeio shiwegambie mbonyi tsakye kuṙo, na kye walemmbutia isho.

Yohane 14:22

Yuda (chi oe Yuda Isikariote-pfo) kammbia, “Mndumii, kyawa kuṙa ukundi iṟingyishia mbonyi tsapfo koṙu na chi ko wandu wa wuyana-pfo?”

Yohane 14:5

Tomasi kammbia, “Mndumii, soe luichi kundu uiyenda-pfo; luichi kuṙa njia?”

Yohane 16:1

“Mbonyi-tso ngamuongoya kundu mulacheṙetsa iiṙikyia.

Yohane 16:16

“Hatsugae kyiyeri kyitutu na nyoe mochingyiwona-pfo; lyingyi-se hatsugae kyiyeri kyitutu na nyoe mochingyiwona.”

Yohane 16:18

Kyasia wakagamba, “Mbonyi tsiha itso aigamba, ‘hatsugae kyiyeri kyitutu?’ Luichi kyindo aigamba-pfo.”

Yohane 16:19

Yesu nalemanya kye wawekundi immbesa; kawawesa, “Ny'kyo muiwesana, kye ngyilegamba, ‘hatsugae kyiyeri kyitutu na nyoe mochingyiwona-pfo; na lyingyi-se hatsugae kyiyeri kyitutu na nyoe mochingyiwona?’

Yohane 16:5

“Kyaindi wulalu inyi ngyiyenda ko ulya alengyiṙuma, maa kuwoṙe umwi onyu aingyiwesa ny'kwi ngyiyenda-pfo.