Yohane 16:14 - Kivunjo New Testament 1999

¹⁴ Oe nechingying'anyisa inyi; cha kyipfa nechiicho shilya ngyekyegamba na imuongoya.

Yohane 16:14 ပူးပေါင်းရင်းမြစ်များ

Yohane 14:21

Ulya aambilyia mawawaso gako na igaosha, icho nyi oe angyikundi; na ulya angyikundi Awu oko nechimkunda; na inyi ngyechimkunda na imloṟa mbonyi tsako na pata.”

Yohane 15:26

Kyaindi kyiyeri-kyo Mtarami-cho echicha, ngyechimṙika iwuka ko Awu, Mumuyo-cho o loi awukyie ko Awu, oe nechingyiṟingyishia.

Yohane 7:39

Kyiyeri Yesu aweiṙeṙa naweionguo mbonyi tsa Mumuyo o Ruwa, walya wamwiṙikyie wechimwambilyia kyiyeri kya numa; cha kyipfa Mumuyo o Ruwa alekoamcha-pfo, cha kyipfa Yesu alekoamwirio wuye na ienengo kyiṟumi-pfo.

1 Wakorinto 12:3

Koikyo ngammbia kye kuwoṙe mndu ekyeṙeṙa Mumuyonyi o Ruwa igamba, “Yesu namsese,” maa mndu eiṙima igamba, “Yesu nyi Mndumii,” sile Mumuyonyi Mweele-pfo.

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

Wagalatia 5:5

Kyipfa soe kui Mumuyo luiweṙelyia ikusuria lya wusumganyi kui njia ya iiṙikyia.

1 Petiro 2:7

Kyasia, iindio-lyi nyi konyu nyoe muiṙikyie. Indi ko walya walaiṙikyie kyikyiṟeie, “Igoe lyilelego nyi wewika numba, lyawa igoe lying'anyi lya ndumbenyi.”

1 Yohane 3:23

Na ilyi nyilyo iwawaso lyakye, kye luiṙikyie rina lya Mono-kye Yesu Kristo, na ikundana, chandu aleluenenga iwawaso.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.

1 Yohane 5:6

Ichu nyi oe alecha kui mṟinga o wupatiso wokye na samu, Yesu Kristo; chi kui mṟinga tupu-pfo, indi kui mṟinga na kui samu. Na Mumuyo nyi oe ekyeṟingyishia, cha kyipfa Mumuyo nyi oe loi.

Ulogo 19:10

Na inyi ngaoloka mbele ya maṙende gakye, kundu ngyimterewe na imwindia. Kangyiwia, “Molawute kuṙi. Inyi nyi mongari opfo na o wana wa wama wapfo wawoṙe wuṟingyishi wo Yesu. Terewa na iindia Ruwa.” Cha kyipfa wuṟingyishi wo Yesu nyiwo mumuyo o ionguo shisuku.