Yohane 16:13 - Kivunjo New Testament 1999

¹³ Kyaindi kyiyeri oe echicha, Mumuyo-cho o loi, nechimusongoya, namushukuye wuloi woose; cha kyipfa echiṙeṙa kui wuchilyi wokye amonyi-pfo, indi shoose echiicho neshionguo, na shindo shiicha nechimuongoya mbonyi tsakye.

Yohane 16:13 ပူးပေါင်းရင်းမြစ်များ

Yohane 12:49

Cha kyipfa inyi ngyileonguo mbonyi tsa mrima oko tupu-pfo; indi Awu alengyiṙuma, oe nalengyiwia shindo ngyechigamba.

Yohane 14:17

Nyi oe Mumuyo o loi; ulya wandu wa wuyana walechiiṙima imwambililyia, cha kyipfa wammbonyi maa wamwichi-pfo; indi nyoe mumwichi, kyipfa nekyekaa konyu; na oe nechikaa mrimenyi konyu.

Yohane 14:26

Kyaindi Mtarami-cho, Mumuyo-cho Mweele, ulya Awu echimṙika kui rina lyako, nechimulosha shoose, na imukumbuṟa shoose ngyilemmbia.

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 15:26

Kyaindi kyiyeri-kyo Mtarami-cho echicha, ngyechimṙika iwuka ko Awu, Mumuyo-cho o loi awukyie ko Awu, oe nechingyiṟingyishia.

Yohane 16:12

Ngyiwoṙe shindo shifoi shemuongoya, kyaindi moiṙima ishienenga ṙaawa makusaṟonyi ganyu wulalu-pfo.

Yohane 3:32

Shilya aleshiwona na ishiicho nyisho aiṟingyishia, kyaindi maa kuwoṙe mndu aiiṙikyia wuṟingyishi wokye-pfo.

Yohane 8:38

Shilya ngyileshiwona ko Awu nyisho ngyionguo; na nyoe na wuṙo muwuta shilya muleicho ko awu onyu.”

Mawuto Ga Wasu 11:28

Na kyiyeri lulesanzia handu hamwi, umwi owo ekyelago Agabo kagoṟoka, kaloṟa kui wuiṙimi wo Mumuyo Mweele kye njaa ing'anyi yeecha mfiri ya kufuhi wuyanenyi koose; na njaa-yo ikacha kyiyeri Kyilaudio awewoṙe uruka.

Mawuto Ga Wasu 20:23

kyaindi Mumuyo mweele mṟi kui mṟi nekyengyiṟingyishia echigamba kye ngyuukyiwa tsifoi tsingyiweṙa.

Mawuto Ga Wasu 27:24

kangyiwia, ‘Ulaowuoe, Paulo, kyikuwaṟi igoṟoka mbele ya Kaisari. Lyingyi-se, Ruwa nakuenengyie wandu woose ukyeri kyaronyi hamwi nawo.’

2 Watesalonikye 2:12

kundu waanduyo woose walaleiṙikyia loi, indi wawechihiyo kyipfa kya iwuta wunyamaṟi.

2 Watesalonikye 2:3

Mndu oose ulamulembe kui mbaṟe yoose; kyipfa mfiri-cho uicha-pfo, mṟasa kuche kuwooka Ikana Ruwa, kaloṟo na pata mndu ulya molega kilya Ruwa awawasie, mana ekyekana Ruwa.

Waebrania 1:1

Kyiyeri kya kacha Ruwa naleṙeṙa na waku waṙu kafong'ui na kundu kufong'ui, iiṙia ko weonguo shisuku;

1 Yohane 2:20

Muwapusie Mumuyo Mweele na nyoe moose muichi.

1 Yohane 2:27

Na nyoe, Mumuyo Mweele muleambilyia kokye ukyeri mrimenyi konyu, maa kuwoṙe kyimaṙuma kya mndu imulosha nyoe-pfo; kyaindi chandu Mumuyo okye uimulosha mbonyi tsa shindo shoose, lyingyi-se nyi loi maa chi wongo-pfo, na chandu ulemulosha, kaenyi kokye.

1 Yohane 4:6

Soe luwoṙe mumuyo uwukyie ko Ruwa. Ulya aichi Ruwa nekyeluaṙanyia; ulya alawoṙe mumuyo uwukyie ko Ruwa ekyeluaṙanyia-pfo. Kyipfa kya ikyo luichi Mumuyo o loi, na mumuyo o wuṙetsi.

1 Yohane 5:6

Ichu nyi oe alecha kui mṟinga o wupatiso wokye na samu, Yesu Kristo; chi kui mṟinga tupu-pfo, indi kui mṟinga na kui samu. Na Mumuyo nyi oe ekyeṟingyishia, cha kyipfa Mumuyo nyi oe loi.

Ulogo 1:1

Ishi nyi shindo Ruwa aleshukuya Yesu Kristo kundu nashiloṟe waṟundi wakye. Shindo shechiwutika iwinyi kyipfa Ruwa naṙumbuo shiwe kuṙo; na Yesu Kristo kashienenga malaika okye, malaika-cho kashishukuya Yohane na Yohane kashigamba ko wandu wa Ruwa.

Ulogo 1:19

Kyasia, uṟeie shindo-sho owona, na shilya shikyeri pfo, na shilya shechicha numa ya isho.