Yohane 15:24 - Kivunjo New Testament 1999

²⁴ Wawechikumbuṟo kya wunyamaṟi wowo kokooya ngyilalewuta kyiiṙi kyawo shindo shilandewuto mndu ungyi oose-pfo; kyaindi wulalu wammbona shilya ngawuta, wakangyisuo inyi na Awu oko.

Yohane 15:24 ပူးပေါင်းရင်းမြစ်များ

Matayo 11:5

shipfupfuṟe shienengo iwona, shiwete shichumia, wawoṙo nyi taambo waiyeṟemtso, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Matayo 21:32

Cha kyipfa Yohane nalecha na konyu kui njia ya wusumganyi, nyoe mulamwiṙikyie. Kyaindi wesania ukamba na maṟai walemwiṙikyia; na nyoe maa lyilya mulewona, muleṙumbuya kundu mumwiṙikyie-pfo.”

Matayo 9:33

Na kyiyeri mṟufui ulya mmbicho alewuto, ulya awei ndiṟi naleṙeṙa, wuingyi wo wandu wakaṟiyio, wakagamba, “Kyilandewonekye kunu Isiraelyi kyiyeri kyoose-pfo.”

Mariko 2:12

Cha ilyi kaamka, kakuṙika ikondoṟo lyakye, kawuka mbele yawo woose; mṟasa wakaṟiyio woose, wakang'anyisa Ruwa, wechigamba, “Mbaṟe-i iyi lulandeenengo iiwona maa ale-pfo.”

Luka 24:19

Kawawesa, “Mbonyi tsiha?” Wakammbia, “Mbonyi tsa Yesu o Nasareti, awekyeri moonguo shisuku awewoṙe wuiṙimi kyiiṙi kya iwuta na iṙeṙa mbele ya Ruwa na wandu woose.

Yohane 10:32

Yesu kawagaluo, kawawia, “Ngyilemumloṟa maṟunda mecha gafoi gawukyie ko Awu, nyi lyiha lyamuenenga ilanga ingyikapa na magoe?”

Yohane 10:37

Kokooya ngyilaiṟunda maṟunda ga Awu oko, mulangyiiṙikyie.

Yohane 12:10

Na wang'anyi wa makohanyi wakawika kyikweena kyewaaga Lasaro;

Yohane 12:45

Na ulya angyiambuya inyi naambuya ulya alengyiṙuma.

Yohane 14:9

Yesu kammbia, “Inyi ngyiwekyeri hamwi na nyoe mfiri yoose, iyoe ulangyimanye Filyipo? Angyiwona inyi nawona Awu. Kyasia iyoe nuigamba kuṙa ‘ululoṟe Awu?’

Yohane 15:21

Kyaindi ishi shoose wechimmbutia kyipfa kya rina lyako, cha kyipfa waichi ulya alengyiṙuma-pfo.

Yohane 15:22

Kokooya ngyilalecha na iṙeṙa nawo wawechikumbuṟo kya wunyamaṟi wowo-pfo; kyaindi wulalu wekaria igamba kye waichi kye isho wawekyewuta nyi wunyamaṟi-pfo.

Yohane 15:23

Ulya angyisuuye inyi nasuuye na Awu oko.

Yohane 16:9

Oe nechiloṟa wandu wa wuyana kye wawoṙe wunyamaṟi, kyipfa walengyiiṙikyia inyi-pfo.

Yohane 3:2

Mndu-cho nalecha na ko Yesu kyio, kammbia, “Rabi, luichi kye iyoe nyi mlosha uwukyie ko Ruwa; cha kyipfa kuwoṙe mndu eiṙima iwuta shiṟiyisho-shi uiwuta iyoe-pfo, sile kokooya Ruwa nakyeri na mndu-cho.”

Yohane 5:36

Kyaindi wuṟingyishi ngyiwoṙe inyi wung'anyi kuta wulya wo Yohane; cha kyipfa maṟunda galya Awu alengyienenga ngyigaṟunde gangyiṟingyishia kye Awu nalengyiṙuma.

Yohane 6:36

Kyaindi ngyilemmbia kye momngyiwona indi muiṙikyia-pfo.

Yohane 7:31

Na wandu wafoi kyiiṙi kya walya wawesanzie halya wakamwiṙikyia, wakagamba, “Ngyesa kyiyeri Kristo echicha nechiwuta shindo shifoi sha maṟiyisho kuta ishi ichu aiwuta?”

Yohane 9:32

Wookyia kyiyeri-kyo kyilandegambo kye mndu naenenga kyipfupfuṟe wuiṙimi wo iwona, ulya alefeo mbaṟe-yo iyo-pfo.

Yohane 9:41

Yesu kawawia, “Kokooya muwei shipfupfuṟe muweiwaṙa wunyamaṟi-pfo; kyaindi wulalu muigamba, ‘Luwonyi,’ kyasia wunyamaṟi wonyu wuengyeṟa ikaa ho.”

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 2:22

“Nyoe wasoṟo wa Isiraelyi, aṙanyienyi mbonyi-tsi: Yesu awukyie Nasareti, mndu Ruwa alemloṟa konyu kui ṟigo na shindo sheṟiyisha, Ruwa aletsiwuta amonyi, chandu nyoe muichi.

Waroma 1:30

Wekyeiria woṙiawo wongo, wasuuye Ruwa, wawoṙe tiri, wekyekushela, wekyeṙamia kyiṙombo kyeṙeṙa wongo, walekyeindia wafee wawo.

2 Timoteo 3:4

Wekyeṟiinga woṙoe, walekyeicho, wekyekushela, wakundi sia tsa wuyana kuta ikunda Ruwa.

Yakobo 4:4

Lanyoe waṟui, muichi kye iwaṙa mbuya na wuyana nyi iwaṙa kyituwa na Ruwa-pfoe? Kyasia orio mndu akundi iwaṙa mbuya na wuyana nekyewa nawaṙa kyituwa na Ruwa.