Yohane 15:22 - Kivunjo New Testament 1999

²² Kokooya ngyilalecha na iṙeṙa nawo wawechikumbuṟo kya wunyamaṟi wowo-pfo; kyaindi wulalu wekaria igamba kye waichi kye isho wawekyewuta nyi wunyamaṟi-pfo.

Yohane 15:22 ပူးပေါင်းရင်းမြစ်များ

Luka 12:46

Mndumii o mṟundi-cho nechicha mfiri alaukusaṟie na kyiyeri alaichi, nemṙumbuo mateng'eta gawi na immbikyia hamwi na walaiṙikyie.

Yohane 12:48

Ulya angyilega inyi, alaambilyie malosho gako, nawoṙe momwanduya; mbonyi-tso ngaonguo nyitso tsechimwanduya mfiri o furumia.

Yohane 15:23

Ulya angyisuuye inyi nasuuye na Awu oko.

Yohane 15:24

Wawechikumbuṟo kya wunyamaṟi wowo kokooya ngyilalewuta kyiiṙi kyawo shindo shilandewuto mndu ungyi oose-pfo; kyaindi wulalu wammbona shilya ngawuta, wakangyisuo inyi na Awu oko.

Yohane 16:9

Oe nechiloṟa wandu wa wuyana kye wawoṙe wunyamaṟi, kyipfa walengyiiṙikyia inyi-pfo.

Yohane 19:11

Yesu kamgaluo, kagamba, “Iyoe uwechiwaṙa wuiṙimi woose wo ingyichilyia, kokooya Ruwa alawekuenengyie wuchilyi-wo-pfo. Koikyo icho angyiende na kopfo nawoṙe ṙeko lying'anyi kuta.”

Yohane 9:41

Yesu kawawia, “Kokooya muwei shipfupfuṟe muweiwaṙa wunyamaṟi-pfo; kyaindi wulalu muigamba, ‘Luwonyi,’ kyasia wunyamaṟi wonyu wuengyeṟa ikaa ho.”

Mawuto Ga Wasu 17:30

“Kyasia, kyiyeri kyilya kya kacha kya wutondo Ruwa nalewa cha ilyi alawonyi; indi wulalu naiwia wandu woose wa orio handu waṙumbuye wunyamaṟi.

Waroma 1:20

Kyipfa wookyia kyiyeri Ruwa alegumba wuyana wandu weiṙima imanya na pata kye pfinya tsakye nyi tsa mlungana na kye nai Ruwa loi. Mbonyi tsi tsekyeiṙima iwono-pfo kyaindi tsekyemanyika. Wandu weiṙima imanya mbonyi-tsi tsa Ruwa kyipfa kya shindo Ruwa agumbie. Kyipfa kya ikyo wechiiṙima ikuwaṙa na kyindo kyoose kyiiṙi kya shilya wawutie-pfo.

Waroma 2:1

Koikyo, iyoe mndu uianduya oṙoo uwoṙe kyegamba-pfo. Kyipfa isho uanduya ungyi nukuanduya kumonyi kye nunyamaṟie; kyipfa iyoe uianduya nuiwuta shilya shilya.

Yakobo 4:17

Kyasia ulya aichi iwuta mecha, indi alawute kuṙo, icho nanyamaṟia Ruwa.

1 Petiro 2:16

Cha wandu walawachilyie nyi kyindo, kyaindi walekyekusuria ikyo kui iṟika wuwicho, indi cha waṟundi wa Ruwa.