Yohane 15:19 - Kivunjo New Testament 1999

¹⁹ Kokooya nyoe muwei wandu wa wuyana, wawechimukunda; kyaindi kyipfa nyoe mulakyeri wandu wa wuyana, indi inyi ngyilemusambuṟa nyoe iwuka wandu wa wuyana, kyipfa kya ikyo wandu wa wuyana wamusuuye.

Yohane 15:19 ပူးပေါင်းရင်းမြစ်များ

Matayo 10:22

Na nyoe wandu woose wechimsuo kyipfa kya rina lyako; kyaindi ulya echikarishia mṟasa mafurumionyi nyi oe echikyia.

Matayo 24:9

Kyiyeri-kyo wechimṟiinga nyoe muwoṙo nyi wukyiwa, nawo wechimmbaaga, na nyoe mochiwa wandu wawasuoe nyi masanga goose kyipfa kya rina lyako.

Luka 6:32

Kyipfa mukokunda walya wamukundi nyoe, moloṟa kyi? Kyipfa maa wanyamaṟi na wuṙo wekyekunda walya wawakundi.

Yohane 13:18

Ngyiṙeṙa mbonyi tsa nyoe moose-pfo. Ngyiichi walya ngyilewasambuṟa; kyaindi kyiṟeio kyiiṙime iafukyia; kyiṟeio kyilya kyigambie, “Ulya alelya kyelya kyako nawa mokyituwa oko.”

Yohane 15:16

Chi nyoe mulengyisambuṟa inyi-pfo, indi nyi inyi ngyilemusambuṟa nyoe; kundu mundekumbia ndunda; na ndunda tsanyu tsiiṙime ikaa ho mfiri yoose; kundu orio kyindo moterewa Awu kui rina lyako namuenengye.

Yohane 6:70

Yesu kawagaluo, kagamba, “Ngyesa ngyilemusambuṟa nyoe ikumi na wawi kyaindi umwi onyu nyi Satana?”

Yakobo 4:4

Lanyoe waṟui, muichi kye iwaṙa mbuya na wuyana nyi iwaṙa kyituwa na Ruwa-pfoe? Kyasia orio mndu akundi iwaṙa mbuya na wuyana nekyewa nawaṙa kyituwa na Ruwa.

1 Petiro 4:3

Kyipfa kyiyeri kya moo yaṙu kyileiṙa kyishikyie iwuta shilya wandu walaiṙikyie Ruwa wekyewuta; iwuta shindo shiwoṙe ukoe, na lango, na wunanzi, na shelya sha ilya na ielewetsa, na shindo shekyenanza, hamwi na iindia na iterewa mafano chandu kyilakyeri kya sungusinyi.

1 Yohane 3:12

Lulawe cha Kaini awekyeri o Satana, kawaaga mono-wama okye-pfo. Na oe nalemmbaaga kyipfa kya kyikyi? Cha kyipfa mawuto gakye gawemawicho, na galya ga mono-wamae gawei ga wusumganyi.

Ulogo 12:17

Injoka lyikasuo kyipfa kya mndu mka ulya, lyikayenda lyikakapana shiṙa na wandu wa kyishari kya mndu mka-cho waletsugaa, wekyeosha shilya mawawaso ga Ruwa gakundi na iwaṙa wuṟingyishi wo Yesu, na oe kagoṟoka mlelyenyi o ipalyipalyi.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.