Yohane 15:15 - Kivunjo New Testament 1999

¹⁵ Ngyimulaga-se watumo-pfo; cha kyipfa mtumo aichi kyindo mndumii okye ekyewuta-pfo; kyaindi ngamlaga mbuya; cha kyipfa shoose ngyileshiicho ko Awu oko ngamuongoya.

Yohane 15:15 ပူးပေါင်းရင်းမြစ်များ

Matayo 13:11

Kagaluo kawawia, “Nyoe muwaenengye imanya shiṟika sha Wumangyi wo ruwewu, kyaindi wo wawaenengye-pfo.

Luka 10:23

Kaindukyia wanalosho wakye, kaṙeṙa nawo kyiṟika, kawawia, “Wagusu meso ganyu gaiwona isho muwonyi nyoe.

Yohane 12:26

Mndu kangyiṟundia nangyioshe; na inyi handu ngyikyeri nyi ho-ndu na mṟundi oko echikaa. Lyingyi-se mndu kangyiṟundia, Awu nechimwindia.”

Yohane 13:16

Ny'kyaloi ngammbia, mtumo ang'anyi kuta mndumii okye-pfo; maa moṙiko ndumo ang'anyi kuta ulya amṙuma-pfo.

Yohane 15:20

Kumbuonyi mbonyi tsilya ngyilemuongoya, kye mtumo ang'anyi kuta mndumii okye-pfo. Kokooya walengyipfulutsa nyashi, wechimpfulutsa nyashi nyoe; kokooya waleosha malosho gako, wechiosha ganyu taa.

Yohane 16:12

Ngyiwoṙe shindo shifoi shemuongoya, kyaindi moiṙima ishienenga ṙaawa makusaṟonyi ganyu wulalu-pfo.

Yohane 17:26

Na inyi ngyilewaloṟa iyoe nyi wui, lyingyi-se ngyechiengyeṟa iwuta kuṙo, kundu ikunda lyilya ulyiwoṙe koko lyikae mrimenyi kowo na inyi ngyiwe kyindo kyimwi nawo.”

Yohane 20:17

Yesu kammbia, “Ulangyipaaye, cha kyipfa ngyilandeṙo na ruwewu ko Awu-pfo. Kyaindi yenda ko wana wa wama wako uwawie ngyiiṙo na ruwewu ko Awu oko na oe nyi Awu onyu, ko Ruwa oko na oe nyi Ruwa onyu.”

Yohane 4:19

Mndu mka ulya kammbia, “Mndumii, ngyiwonyi kye nui moonguo shisuku!

Yohane 8:26

Ngyiwoṙe shindo shifoi shegamba na sheanduya kyipfa kyanyu; kyaindi ulya alengyiṙuma nyi o loi, na inyi shilya ngyileicho kokye nyisho ngyishionguo iha wuyanenyi.”

Mawuto Ga Wasu 20:27

Cha kyipfa ngyileṙa imuongoya mbonyi tsa orio kyindo Ruwa akundi-pfo.

Waroma 7:15

Kyipfa ngyiichi kyindo ngyiwuta-pfo; cha kyipfa kyilya ngyikundi, ngyikyiwuta-pfo; indi kyilya ngyikyisuuye nyikyo ngyekyewuta.

1 Wakorinto 2:16

Kyipfa chandu shiṟeio shiele shigambie, “Nyi wui alemanya kyindo Mndumii akundi, namloshe?” Kyaindi soe luwoṙe makusaṟo ga Kristo, kyipfa lokyekusaṟa cha Kristo.

Wagalatia 4:6

Na kyipfa nyoe mowa wana, Ruwa naleṙuma Mumuyo o Mono-kye mrimenyi konyu, ekyegamba, “Aba,” kyimwi na igamba Awu.

Wafilyipi 1:9

amluloṟe kyiṟika kya kyilya akundi, iṙuana na kyilya akundi kyiiṙi kya icho.

Wafilyipi 3:5

Kyiṟika-kyo kyilaleloṟo wandu wa marika gengyi; chandu waleloṟo kui Mumuyo wasu wakye waele na weonguo shisuku kyiyeri-kyi kya wulalu Mumuyonyi.

Wakolosai 1:26

Wuṟikyi wulya wuwewuṟikye shiyeri shoose sha kacha na wookyia shishari shoose, indi wulalu woloṟo ko wandu wa Ruwa.

Filemon 1:16

Wookyia wulalu, chi cha mtumo-pfo, indi ngoseṟa ya mtumo, mono-wama mkunde; koko inyi mnu, na kopfo iyoe ngoseṟa mnu, mmbiunyi na kyiiṙi kya Mndumii.

Yakobo 1:1

Yakobo, mtumo o Ruwa, na o Mndumii Yesu Kristo, ko wandu woose wa Ruwa wanyanyaṟikyie ipfo na ipfo; ngamuiṟikyiṟa.

Yakobo 2:23

Shiṟeio shilya shikaafutsio; shiṟeio shilegamba, “Abrahamu naleiṙikyia Ruwa, kyikatalo kokye kye nyi wusumganyi;” na oe nalelago mbuya ya Ruwa.

1 Petiro 1:11

Wakapfula nyi kyiyeri kyiha, na nyi kyiyeri kya mbaṟe iha kyileikyimbo nyi Mumuyo o Kristo awekyeri mrimenyi kowo, ulya alesonguo iṟingyishia matuuro Kristo echienengo, na kyiṟumi kyekokyikyeri pfo numa ya isho.

2 Petiro 1:1

Inyi Simion Petiro, ngyikyeri mṟundi na msu o Yesu Kristo, ngaṟeia paruo-i ko walya walewona iiṙikyia lyimwi na soe, lyiwoṙe woguru, wusumganyinyi wo Ruwa oṙu, na Mkyiṟa Yesu Kristo.

Yuda 1:1

Inyi Yuda, mṟundi o Yesu Kristo, na mono-wama o Yakobo, ngyimuṟeia paruo-i nyoe muwalage nyi Ruwa, mulekundo nyi Ruwa Awu, na ikoomo kyipfa kya Yesu Kristo.

Ulogo 1:1

Ishi nyi shindo Ruwa aleshukuya Yesu Kristo kundu nashiloṟe waṟundi wakye. Shindo shechiwutika iwinyi kyipfa Ruwa naṙumbuo shiwe kuṙo; na Yesu Kristo kashienenga malaika okye, malaika-cho kashishukuya Yohane na Yohane kashigamba ko wandu wa Ruwa.