Yohane 14:9 - Kivunjo New Testament 1999

⁹ Yesu kammbia, “Inyi ngyiwekyeri hamwi na nyoe mfiri yoose, iyoe ulangyimanye Filyipo? Angyiwona inyi nawona Awu. Kyasia iyoe nuigamba kuṙa ‘ululoṟe Awu?’

Yohane 14:9 ပူးပေါင်းရင်းမြစ်များ

Mariko 9:19

Kawagaluo, kagamba, “Nyoe rika lyiwoṙe iiṙikyia lyifofo, ngyikae na nyoe mṟasa indi? Ngyiṙuane na nyoe mṟasa indi? Muendenyi na koko.”

Luka 12:56

Nyoe wakulembecheṟi mokyeiṙima imanya chandu kochiwa urukyenyi na ngyinenyi; kyasia, kyawa kuṙa-ng'u kye moiṙima imanya kyiyeri-kyi-pfo?”

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 10:30

Inyi na Awu lukyeri kyindo kyimwi.”

Yohane 12:45

Na ulya angyiambuya inyi naambuya ulya alengyiṙuma.

Yohane 14:20

Mfiri ulya mochimanya kye inyi na Awu oko nyi kyindo kyimwi, na inyi na nyoe nyi kyindo kyimwi.

Yohane 14:7

Kokooya muwengyiichi inyi, muwechimanya Awu. Wookyia wulalu mumwichi, lyingyi-se momummbona.”

Yohane 8:19

Kyasia wakammbia, “Ookwi Awu opfo?” Yesu kagaluo kagamba, “Inyi mungyiichi-pfo; maa Awu oko mumwichi-pfo. Kokooya muwengyiichi inyi, muwechimanya na Awu oko.”

1 Wakorinto 15:12

Kyasia, kokooya mbonyi tsa Kristo tsigambo kye naleṟuka ko wapfu, ny'kyilyi wandu waata kyiiṙi kyanyu waigamba kye kuwoṙe iṟutso lya wapfu-pfo.

Waefeso 2:6

ulya ipfo mawookyionyi awei Ruwa, kyaindi alalewona kulya iwa kyimwi na Ruwa kye nyi kyindo kyemwenenga ikuyeṟa na Ruwa;

Wakolosai 1:15

Kristo nyi mfano o Ruwa alekyewono, mmbele o shindo shoose shishigumbe.

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.