Yohane 14:27 - Kivunjo New Testament 1999

²⁷ Ngamṙeeya ufoṟo. Ufoṟo loko ngamuenenga. Chandu ngyimuenenga chi wuṙo wuyana wokyeenenga-pfo. Mulaiṟewe mrimenyi konyu, maa mulawaṙe wuowu.

Yohane 14:27 ပူးပေါင်းရင်းမြစ်များ

Matayo 10:26

“Kyasia, mulawaowuoe, cha kyipfa kuwoṙe kyindo kyikyishikyie maa kyikuṟiikyie kyilechimanyika-pfo.

Luka 1:79

Ilyimikyia wai meemenyi na kyirinjenyi kya upfu, na isongoya maṙende gaṙu kui njia ya ufoṟo.”

Luka 10:5

Na orio numba mochiiṙa napfo, gambenyi kuwooka kye ufoṟo lukae kunu kanyi.

Luka 12:4

“Na inyi ngyimmbia nyoe mbuya tsako, maa mulaowuoe iwo wekyewaaga mmbiu, na numa ya iho wawoṙe kyindo kya ngoseṟa weiṙima iwuta-pfo.

Luka 2:14

“Naṟumisho Ruwa wuye Ruwewu, na wuyanenyi kuwe ufoṟo ko wandu awakundi.”

Yohane 14:1

“Maa mulaiṟewe mrimenyi konyu; muiṙikyie Ruwa, ngyiiṙikyienyi na inyi.

Yohane 16:33

Isho ngammbia muiṙime iwaṙa ufoṟo muwaṙanyi na inyi. Kunu wuyanenyi muwoṙe fowa; kyaindi kuwanzenyi; inyi ngyilewinga wuyana.”

Yohane 20:19

Kyukonyi, mfiri ulya o kuwooka o juma; na halya-ndu wanalosho wawekyeri moongo iwengyishingye kyipfa kya iowuo Wayuda, Yesu kacha kagoṟoka makyiṙi-gawi gawo, kawawia, “Ufoṟo lukae konyu.”

Yohane 20:21

Yesu kawawia-se “Ufoṟo lukae konyu. Chandu Awu alengyiṙuma inyi, na inyi ngyimṙuma nyoe.”

Yohane 20:26

Kyasia, hamwiṙe mfiri nyanya, wanalosho wakye wawekyeri-se numba, na Tomasi nawekyeri hamwi nawo. Yesu kacha, na moongo iwengyishingye. Kagoṟoka makyiṙi-gawi gawo, kagamba, “Ufoṟo lukae konyu.”

Mawuto Ga Wasu 10:36

Mbonyi tsilya aleṙooya wana wa Isiraelyi, echionguo mbonyi ngyicha tsa ufoṟo kui Yesu Kristo (nyi oe Mndumii o woose),

Mawuto Ga Wasu 18:9

Kyiyeri kya kyio, Paulo akyeri cha mndu ailoṙo, kaicho Mndumii emmbia, “Molaowuoe, indi ṙeṙa, maa ulatsie,

Waroma 1:7

ko woose wakyeri Roma, wawakunde nyi Ruwa, walelago wawe wandu wa Ruwa. Isaṟia lyikae konyu na ufoṟo luwukyie ko Ruwa Awu oṙu, na ko Mndumii Yesu Kristo.

Waroma 15:13

Kyasia-ng'u Ruwa mokusuria namuichuṟe nyoe sia yoose na ufoṟo iiṙikyienyi, kundu muengyeṟikye mnu iwaṙa ikusuria, pfinyenyi tsa Mumuyo Mweele.

Waroma 5:1

Kyasia lukomtalyio wusumganyi uwukyie iiṙikyienyi luwaṙe ufoṟo na Ruwa, kui njia ya Mndumii oṙu Yesu Kristo.

Waroma 5:10

Cha kyipfa kokooya kyiyeri luwewoṙe kyituwa na Ruwa lulesanzo kui upfu lo Mono-kye; ngoseṟa mnu lukomsanzo lochikyiṟo kui moo okye.

Waroma 8:6

Cha kyipfa kyindo mmbiu ukundi nyi upfu; indi kyindo mrima ukundi nyi moo na ufoṟo.

1 Wakorinto 1:3

Isaṟia lyikae konyu na ufoṟo uwukyie ko Ruwa Awu oṙu, na ko Mndumii Yesu Kristo.

Wagalatia 1:3

Isaṟia lyikae konyu, na ufoṟo, shiwukyie ko Ruwa Awu, na ko Mndumii oṙu Yesu Kristo.

Wagalatia 5:22

Kyaindi ndunda tsa Mumuyo nyi ikunda, sia, ufoṟo, ikarishia, kyiṙo kyicha, itarama wakyeri wukyiwenyi, iwuta kyilya mndu ateṟia,

Wagalatia 6:16

Na woose wechiwaṙa mkaṟo iṙuṙanyi na ikyo, ufoṟo lukae kowo na iwoniana wukyiwa, yee ko wandu woose wa Ruwa.

Waefeso 4:7

Na ufoṟo lo Ruwa, luiṟie wuṟango woose lochiringa mrima yanyu na makusaṟo ganyu kyipfa muwalungye na Kristo Yesu.

Wakolosai 1:2

ngamuṟeia paruo nyoe wana wa wama wai wandu wa Ruwa, waafutsie kyilya Ruwa ateṟie kyiiṙi kya Kristo, wakyeri Kolosai. Isaṟia lyikae konyu, na ufoṟo, shiwukyie ko Ruwa Awu oṙu.

Wakolosai 1:20

Na kyiiṙi kyakye isanza shindo shoose na oe amonyi, amwende ufoṟo kui samu ya msalaba okye; kokooya nyi shindo shikyeri urukyenyi, ang'u shikyeri ruwewu.

Wakolosai 3:15

Na ufoṟo lo Kristo luloṟe kyilya kyiwaṟi mrimenyi konyu, nyikyo mulelagio mmbiunyi umwi; lyingyi-se muwe wandu wekyeana.

2 Watesalonikye 1:2

Isaṟia lyikae konyu na ufoṟo uwukyie ko Ruwa Awu, na ko Mndumii Yesu Kristo.

2 Watesalonikye 3:16

Wulalu, Mndumii o ufoṟo amonyi namuenengye ufoṟo kyiyeri kyoose kui njia tsoose. Mndumii nawe hamwi na nyoe moose.

2 Timoteo 1:7

Kyipfa Ruwa aleluenenga mrima o wuowu-pfo, indi o pfinya na o ikunda na uwoṙe meena.

Waebrania 13:20

Kyasia, Ruwa o ufoṟo aleende-se iwuka ko wapfu Mlyisi Ang'anyi o moondo, kui samu ya mma o mlungana, oe Mndumii oṙu Yesu,

Waebrania 7:2

Ulya Abrahamu alemgawia kyifunjoe kya ikumi kya shindo shoose; (rina lyakye lya kuwooka nyi mangyi o wusumganyi, lyingyi-se nyi mangyi o Salemu, kyimwi na igamba, mangyi o ufoṟo.

Ulogo 1:4

Inyi Yohane, ngaṙika shiiṟikyiṟo ko siṟi tsilya mfungaaṙe tsikyeri urukyenyi lo Asia. Isaṟia lyikae konyu na ufoṟo, shiwukyie ko ulya awekyeri pfo na akyeri pfo na echicha. Isaṟia na ufoṟo shiwukyie ko mumuyo iya mfungaaṙe ikyeri mbele ya kyitima kya Ruwa kya mng'ano.

Ulogo 2:10

Ulaowuoe shindo shechikukooya. Manya kye Mokyiriinzi-cho nechiṟukucha wengyi kyiiṙi kyanyu kyipfungonyi kundu muyesho, na nyoe mochilya wukyiwa mfiri ikumi. Uwe msimiri mṟasa ipfa, na inyi ngyechikuenenga oṟo ya moo.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”