Yohane 14:21 - Kivunjo New Testament 1999

²¹ Ulya aambilyia mawawaso gako na igaosha, icho nyi oe angyikundi; na ulya angyikundi Awu oko nechimkunda; na inyi ngyechimkunda na imloṟa mbonyi tsako na pata.”

Yohane 14:21 ပူးပေါင်းရင်းမြစ်များ

Luka 11:28

Kyaindi oe nalegamba, “Nanga, wagusu walya wekyeicho Ṙeṙo lya Ruwa na iosha shilya lyikundi.”

Yohane 14:15

“Mukongyikunda mochiosha kyilya mawawaso gako gakundi.

Yohane 14:18

Ngyechimṙa ngoṙa-pfo. Ngyiicha na konyu.

Yohane 15:14

Nyoe mochiwa mbuya tsako, mukowuta shilya ngammbia.

Yohane 16:14

Oe nechingying'anyisa inyi; cha kyipfa nechiicho shilya ngyekyegamba na imuongoya.

Yohane 16:27

cha kyipfa Awu namukundi kyipfa nyoe mongyikunda inyi, na iiṙikyia kye inyi ngyilewuka ko Awu.

Yohane 17:23

Inyi ngyiwe kyindo kyimwi nawo, na iyoe uwe kyindo kyimwi na inyi, kundu wawaṙane tapu; na wandu wa wuyana wamanye kye nyi iyoe ulengyiṙuma, kowakunda wo chandu ulengyikunda inyi.

Mawuto Ga Wasu 22:18

Ngammbona, na oe kangyiwia, ‘Pfuṟukana uwukye Yerusalemu iwinyi, cha kyipfa wechiiṙikyia wuṟingyishi wulya wo mbonyi tsako ochiwaenenga-pfo.’

2 Wakorinto 12:8

Kyipfa kya kyindo-kyo ngyileterewa Mndumii kaṟaaṟu kye kyingyiwukye.

2 Wakorinto 3:18

Kyaindi soe loose, kui kyaam kyilakyishikyie nyi kyindo, luloṟa mng'ano o Mndumii, cha mng'ano uwukyie kyiyewonyi, lokyeilacho luwe cha mfano-cho icho, iwuka mng'ano mṟasa mng'ano ung'anyi ngoseṟa cha mng'ano uwukyie ko Mndumii, akyeri Mumuyo.

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

2 Watesalonikye 2:16

Na Mndumii oṙu Yesu Kristo amonyi, na Ruwa Awu oṙu, alelukunda kaluenenga iwiyiṟio moo lya mlungana na ikusuria lyicha, isaṟienyi,

2 Timoteo 4:22

Mndumii nakae hamwi na mrima opfo. Isaṟia lyikae hamwi na nyoe.

1 Yohane 2:5

Kyaindi ulya ekyeosha malosho ga Ṙeṙo lyakye, icho mrimenyi kokye ikunda lya Ruwa lyikyeri pfo loi. Kyipfa kya ikyo luichi kye luwalungye na oe.

1 Yohane 3:1

Kumbuonyi nyi ikunda lya mbaṟe iha Awu aleluenenga, kye lulago wana wa Ruwa; na nyi wuṙo lukyeri. Kyipfa kya ikyo wandu wa wuyana waluichi-pfo, cha kyipfa walemanya Ruwa-pfo.

1 Yohane 5:3

Cha kyipfa ipfo nyipfo ikunda Ruwa, kye luoshe shilya mawawaso gakye gagamba; maa mawawaso gakye gamalemeri-pfo.

2 Yohane 1:6

Na ilyi nyilyo ikunda, luchumie lochiosha mawawaso gakye. Ilyi nyilyo iwawaso lyilya, chandu muleicho wookyia mawookyionyi, kye muchumie kyiiṙi kya ilyo,

Ulogo 2:17

Ulya awoṙe kuṙwi naicho mbonyi-tsi Mumuyo aiwia siṟi. Ulya mowinga ngyechimwenenga ṙombo lya Manna ingyiṟikye, na inyi ngyechimwenenga igoe lya uwiṟo, na wuye ya igoe-lyo hahaṟeie rina lyihya mndu alalyiichi sile ulya ailyiambilyia.’ ”

Ulogo 22:14

Wagusu walya wekyesanja nguwo tsawo, wawaṙe momu o yenda halya-ndu ikyiṙi-lyo lya moo lyikyeri, na iiṙa na mṟinyi kui moongo yalyo.

Ulogo 3:20

Ngyigoṟokyi moongonyi, ngyikapa hodi. Mndu kaicho ṟui lyako, na iṟuguo moongo, ngyechiiṙa na kokye, na inyi ngyechilya hamwi na oe, na oe hamwi na inyi.