Yohane 14:16 - Kivunjo New Testament 1999

¹⁶ Na inyi ngyechiterewa Awu, na oe nechimuenenga Mtarami ungyi, kundu nakae na nyoe mṟasa mlungana.

Yohane 14:16 ပူးပေါင်းရင်းမြစ်များ

Matayo 28:20

na iwalosha iosha shoose ngyilemmbi nyoe. Na inyi ngyikyeri na nyoe mfiri yoose, mṟasa mafurumionyi ga wuyana.”

Yohane 14:14

Mukoterewa kyindo kyoose kyipfa mukyeri wanalosho wako ngyechikyiwuta.”

Yohane 14:18

Ngyechimṙa ngoṙa-pfo. Ngyiicha na konyu.

Yohane 14:26

Kyaindi Mtarami-cho, Mumuyo-cho Mweele, ulya Awu echimṙika kui rina lyako, nechimulosha shoose, na imukumbuṟa shoose ngyilemmbia.

Yohane 15:26

Kyaindi kyiyeri-kyo Mtarami-cho echicha, ngyechimṙika iwuka ko Awu, Mumuyo-cho o loi awukyie ko Awu, oe nechingyiṟingyishia.

Yohane 16:22

Kyasia nyoe wulalu muwoṙo nyi fowa; kyaindi inyi ngyechimmbona-se; na mrima yanyu yechichihiyo, na sia yanyu kuwoṙe mndu echimusoka-pfo.

Yohane 17:15

Inyi ngyiterewa kye uwawute kunu wuyanenyi-pfo indi uwaringye walaolotso nyi Satana.

Yohane 17:20

“Maa chi iwo tupu ngyiwaterewia-pfo; kyaindi ngyiterewia na walya wechingyiiṙikyia kyipfa kya malosho gawo.

Yohane 4:14

kyaindi orio mndu echinyo mṟinga ulya ngyechimwenenga inyi echiwoṙo nyoṙa nyi mṟasa mlungana-pfo. Indi mṟinga ulya ngyechimwenenga ochiwa shoka ya mṟinga ochimwenenga moo o mlungana.”

Yohane 7:39

Kyiyeri Yesu aweiṙeṙa naweionguo mbonyi tsa Mumuyo o Ruwa, walya wamwiṙikyie wechimwambilyia kyiyeri kya numa; cha kyipfa Mumuyo o Ruwa alekoamcha-pfo, cha kyipfa Yesu alekoamwirio wuye na ienengo kyiṟumi-pfo.

Mawuto Ga Wasu 1:4

Na kyiyeri awekyeri nawo kyisanzionyi nalewawia walawukye Yerusalemu, kyaindi waweṙelyie kyiteṟio kya Awu, kyiteṟio ngyilemuongoya mbonyi tsakyo;

Mawuto Ga Wasu 13:52

Na wanalosho waleichuo sia na Mumuyo Mweele.

Mawuto Ga Wasu 9:31

Kyasia Siṟi ikawona sia urukyenyi lo Uyuda na Galyilaya na Samaria. Siṟi ikawaṙa pfinya, ikaengyeṟika, yechiindia Mndumii Yesu na iwiyiṟio moo nyi Mumuyo Mweele.

Waroma 14:17

Kyipfa Wumangyi wo Ruwa chi ilya maa inyo-pfo, indi nyi wusumganyi na ufoṟo na sia Mumuyonyi Mweele.

Waroma 15:13

Kyasia-ng'u Ruwa mokusuria namuichuṟe nyoe sia yoose na ufoṟo iiṙikyienyi, kundu muengyeṟikye mnu iwaṙa ikusuria, pfinyenyi tsa Mumuyo Mweele.

Waroma 5:5

Na ikusuria lyekyeende sonu-pfo; cha kyipfa ikunda lya Ruwa lyamletsio mrimenyi koṙu kui Mumuyo Mweele luleenengo soe.

Waroma 8:34

Nyi wui eiṙima igamba kye nawaṟi iolotsio ngapo? Kristo Yesu nyi oe alepfa; yee, na ngoseṟa ya isho, naleṟuka ko wapfu, na oe naṙamie kuwoko ko kulyoe ko Ruwa. Ngoseṟa nyi oe ailuterewia.

Wagalatia 5:22

Kyaindi ndunda tsa Mumuyo nyi ikunda, sia, ufoṟo, ikarishia, kyiṙo kyicha, itarama wakyeri wukyiwenyi, iwuta kyilya mndu ateṟia,

Waefeso 2:1

Kyasia kokooya kuwoṙe iwiyiṟiana moo kyiiṙi kya Kristo, kokooya kuwoṙe ikarishana kui ikunda, kokooya kuwoṙe iwaṙana Mumuyonyi, kokooya kuwoṙe iwoniana wukyiwa,

2 Watesalonikye 2:16

Na Mndumii oṙu Yesu Kristo amonyi, na Ruwa Awu oṙu, alelukunda kaluenenga iwiyiṟio moo lya mlungana na ikusuria lyicha, isaṟienyi,

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

1 Yohane 2:1

Wana wako, ngyimuṟeia ishi kundu mulawute sha wunyamaṟi. Na kokooya mndu awuta kya wunyamaṟi luwoṙe Moluterewia ko Awu, Yesu Kristo awoṙe wusumganyi.

1 Yohane 2:27

Na nyoe, Mumuyo Mweele muleambilyia kokye ukyeri mrimenyi konyu, maa kuwoṙe kyimaṙuma kya mndu imulosha nyoe-pfo; kyaindi chandu Mumuyo okye uimulosha mbonyi tsa shindo shoose, lyingyi-se nyi loi maa chi wongo-pfo, na chandu ulemulosha, kaenyi kokye.

2 Yohane 1:2

kyipfa kya loi-yo ikyeri mrimenyi koṙu, nayo yechikaa hamwi na soe mṟasa mlungana.