Yohane 14:13 - Kivunjo New Testament 1999

¹³ Na nyoe, mukoterewa kyindo kyoose kyipfa mukyeri wanalosho wako, ikyo ngyechikyiwuta, kundu Awu nang'anyiso kyiiṙi kya Mana.

Yohane 14:13 ပူးပေါင်းရင်းမြစ်များ

Matayo 21:22

Na shoose mochishiterewa kyiterewonyi mochiiṙikyia, mochiambilyia.”

Matayo 7:7

“Terewenyi na nyoe mochienengo. Pfulenyi, na nyoe mochiwona. Kape-kapenyi moongo na nyoe mochipfunguyo.

Mariko 11:24

Kyipfa kya ikyo ngammbia, orio kyoose moterewa ilyi muiterewa iṙikyienyi kye moshiambilyia, nasho shechiwa shanyu.

Luka 11:9

Na inyi ngyimmbia, ‘Terewenyi na nyoe mochienengo; pfulenyi, na nyoe mochiwona; kape-kapenyi moongo, na nyoe mochipfunguyo.’

Yohane 10:30

Inyi na Awu lukyeri kyindo kyimwi.”

Yohane 12:44

Yesu kakuilenga na ṟui lying'anyi kagamba, “Ulya angyiiṙikyia inyi, angyiiṙikyia inyi-pfo indi naiṙikyia ulya alengyiṙuma.

Yohane 13:31

Yuda amfumie nja, Yesu nalegamba, “Wulalu Mana o Adamu nang'anyiso, na Ruwa nang'anyiso kyiiṙi kyakye.

Yohane 14:14

Mukoterewa kyindo kyoose kyipfa mukyeri wanalosho wako ngyechikyiwuta.”

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 15:16

Chi nyoe mulengyisambuṟa inyi-pfo, indi nyi inyi ngyilemusambuṟa nyoe; kundu mundekumbia ndunda; na ndunda tsanyu tsiiṙime ikaa ho mfiri yoose; kundu orio kyindo moterewa Awu kui rina lyako namuenengye.

Yohane 15:7

Nyoe mukowa kyindo kyimwi na inyi, na malosho gako gakakaa mrimenyi konyu, terewenyi kyindo kyoose mukundi na nyoe mochienengo.

Yohane 16:23

Lyingyi-se mfiri ulya mochingyiwesa kyindo kyoose-pfo. Ny'kyaloi ngammbia, mukoterewa Awu kyindo kyoose nechimuenenga kui rina lyako.

Yohane 16:26

Na mfiri-cho mochiterewa kui rina lyako; maa ngyimmbia kye inyi ngyechimuterewia ko Awu-pfo;

Yohane 16:7

Kyaindi inyi ngammbia shii loi; mochiwona kyiira inyi ngayenda; cha kyipfa inyi ngyilandeyende, Mtarami-cho echicha na konyu-pfo; indi inyi ngayenda, ngyechimṙika konyu.

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Yohane 4:14

kyaindi orio mndu echinyo mṟinga ulya ngyechimwenenga inyi echiwoṙo nyoṙa nyi mṟasa mlungana-pfo. Indi mṟinga ulya ngyechimwenenga ochiwa shoka ya mṟinga ochimwenenga moo o mlungana.”

Yohane 5:19

Kyasia Yesu kagaluo kawawia, “Ny'kyaloi ngammbia, Mana eiṙima iwuta kyindo amonyi sile kyilya awonyi Awu ewuta-pfo; cha kyipfa shoose ekyewuta oe, nyisho Mana ekyewuta.

Yohane 7:37

Na mfiri o furumia, mfiri ulya ung'anyi o mṟumoe, Yesu kagoṟoka, kakuilenga na ṟui lying'anyi, echigamba, “Mndu kawoṙo nyi nyoṙa, nache na koko nawone kyindo kyenyo.

1 Wakorinto 14:13

Kyipfa kya ikyo ulya ekyeṙeṙa kui mṙeṙie wandu walaiichi naterewe ienengo wuiṙimi wo itambuluo.

Wafilyipi 2:18

Cha kyipfa kokye soe loose lulewona njia yetikyira kufuhi na Awu Mumuyonyi umwi.

Wafilyipi 3:12

Kyiiṙi kyakye luwoṙe wuṟango na wukari na wuiṙimi wo tikyira kufuhi ikusurienyi kui njia ya imwiṙikyia.

Wafilyipi 3:14

Koikyo ngyipfiria Awu ndi,

Waefeso 4:13

Ngyekyeiṙima shindo shoose kyiiṙi kya ulya ekyengyienenga pfinya.

Wakolosai 3:17

Na orio kyindo mochiwuta, kui ṙeṙo ang'u kui iṟunda, wutenyi shoose rinenyi lya Mndumii Yesu, mochiana Ruwa Awu kui oe.

Waebrania 13:15

Kyasia, kui njia yakye oe, luenengye Ruwa kyiṙaso kya kyiṟumi mlungana, maṙeṙo gaṙu nyi kyienengo kyaṙu.

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

Yakobo 1:5

Kyaindi mndu o konyu kauṟa wuṟango, naterewe ko Ruwa, ekyeenenga woose kui ilekyia, maa ekyeṟoṟoma-pfo; na oe nechienengo.

Yakobo 5:16

Tochianenyi ngyuunyamaṟi tsanyu nyoe wenyi ko wenyi, na iterewiana, muiṙime ikyiṟo. Iterewa lya mndu msumganyi lyiwoṙe kyiira mnu.

1 Petiro 2:5

Na nyoe, cha magoe Ruwa agaenengyie moo, muwawikye muwe numba ya Mumuyo, wukohanyi wuele, muwute shiṙaso sha mrima, shichihiṟie Ruwa, kui njia ya Yesu Kristo.

1 Yohane 3:22

Na orio kyindo loterewa lochikyiambilyia kokye, cha kyipfa lokyeosha shilya mawawaso gakye gakundi, na iwuta shichihiṟie mbele yakye.

1 Yohane 5:14

Na iwu nyiwo wukari na wuṟango luwoṙe kokye, kye lukoterewa kyindo chandu akundi, nekyeluaṙanyia.