Yohane 14:12 - Kivunjo New Testament 1999

¹² Ny'kyaloi ngammbia, ulya angyiiṙikyia inyi, shindo shilya ngyiwuta, na oe nechishiwuta; yee, na shing'anyi kuta isho nechiwuta cha kyipfa inyi ngyiyenda ko Awu.

Yohane 14:12 ပူးပေါင်းရင်းမြစ်များ

Matayo 21:21

Yesu kagaluo, kawawia, “Ny'kyaloi, ngammbia, mukowaṙa iiṙikyia, mulandewe wandu weilacha-ilacha kyilya moiṙikyia, mochiṟunda chi ilyo lya mfumu tupu-pfo, kyaindi maa mukowia fumvu-lyi, ‘Kuluka, uwiyitso ipalyipalyinyi,’ kyechiṟundika.

Mariko 11:13

Kuleshi na oe kawona mfumu uwoṙe maṟa, kayenda kundu nawone kokooya uwoṙe ndunda; na kyiyeri aleshika halya-ndu uwekyeri alewona kyindo sile maṟa-pfo; kyipfa chi kyiyeri kya ikumbia ndunda-pfo.

Mariko 16:17

Na shiṟingyishio-shi shechioshana na iwo waiṙikyie. Kui rina lyako wechifuna waṟufui wawicho; wechiṙeṙa kui mṙeṙie ngyihya.

Yohane 14:28

Muleicho kye inyi ngyilemmbia, ‘Ngyiyenda na ngyiicha-se na konyu.’ Kokooya muwengyikundi, muwechichihiyo kyipfa ngyiyenda ko Awu; cha kyipfa Awu nang'anyi kuta inyi.

Yohane 16:7

Kyaindi inyi ngammbia shii loi; mochiwona kyiira inyi ngayenda; cha kyipfa inyi ngyilandeyende, Mtarami-cho echicha na konyu-pfo; indi inyi ngayenda, ngyechimṙika konyu.

Yohane 4:37

Cha kyipfa iho ṙeṙo-lyo lyekyewa loi, ‘Umwi nekyewaaya ungyi kasambuo.’

Yohane 5:20

Cha kyipfa Awu nakundi Mana na oe nekyemloṟa shoose ekyewuta; maa maṟunda gang'anyi kuta isho ngoseṟa nechimloṟa, kundu nyoe muiṙime iṟiyio.

Yohane 7:33

Kyasia Yesu kagamba, “Hatsugai kyiyeri kyifuhi ngyikyeri hamwi na nyoe; numa ya iho ngyechiyenda ko ulya alengyiṙuma.

Yohane 7:39

Kyiyeri Yesu aweiṙeṙa naweionguo mbonyi tsa Mumuyo o Ruwa, walya wamwiṙikyie wechimwambilyia kyiyeri kya numa; cha kyipfa Mumuyo o Ruwa alekoamcha-pfo, cha kyipfa Yesu alekoamwirio wuye na ienengo kyiṟumi-pfo.

Mawuto Ga Wasu 10:46

Cha kyipfa waleicho weṙeṙa mṙeṙie ngyiyenu, na iṟumisha Ruwa. Naaho-ng'u Petiro kagaluo, kagamba,

Mawuto Ga Wasu 16:18

Kyikawuta isho mfiri ifoi. Kyaindi Paulo kawihiyo mnu, kainduka kawia mṟufui ulya mmbicho, “Ngakuwia kui rina lya Yesu wuka mndu-chu.” Kammbuka kyiyeri kyilya kyilya.

Mawuto Ga Wasu 19:12

maa wandu waluoe wakaendio shitambaa na nguwo tsiwukyie mmbiunyi o Paulo, wakachia ndoṟe tsawo, na waṟufui wawicho wakawuka kowo.

Mawuto Ga Wasu 2:33

Kyasia oe, kamṙoso mṟasa kuwoko ko kulyoe ko Ruwa, na iambilyia ko Awu kyaasa kyilya kya Mumuyo Mweele, napusuo kyindo-kyi mukyiwonyi na ikyiicho wulalu.

Mawuto Ga Wasu 2:41

Na walya waleicho malosho gakye na igaosha wakapatiso; na mfiri ulya wakaengyeṟika cha wandu shiku shiṟaaṟu.

Mawuto Ga Wasu 4:16

wechigamba, “Luwutie kyi wandu-wa? Kyipfa kyikyeri na pata ko wandu woose wekyekaa Yerusalemu kye walewuta kyiṟiyisho kying'anyi, maa lochiiṙima ikana-pfo.

Mawuto Ga Wasu 4:33

Na wasu wakaṟingyishia na pfinya iṟuka lya Yesu, nawo wakaenengo mboṟa tsifoi.

Mawuto Ga Wasu 4:4

Kyaindi wandu wafoi kyiiṙi kya walya waleicho Ṙeṙo lya Ruwa waleiṙikyia; na itala lya wasoṟo lyikawa cha shiku shitaanu.

Mawuto Ga Wasu 5:15

na kyikawa kye wandu wawekyefumiṟia wandu waluoe mṟaṟunyi ung'anyi na iwawikyia majamvinyi na makondoṟonyi, kundu ilyi Petiro echicha, maa kyirinje kyakye kyipaaye umwi owo.

Mawuto Ga Wasu 6:7

Mbonyi-tsi tsikaṙunganana orio handu; na itala lya wanalosho lyikaengyeṟika mnu kulya Yerusalemu; makohanyi wafoi wakaambilyia iiṙikyia.

Mawuto Ga Wasu 8:7

Cha kyipfa waṟufui wawicho walewuka wandu wafoi, wechilyia na ṟui lying'anyi; na wandu wafoi wawepfiie ngapfu, na shileeta, wakakyiṟo.

Mawuto Ga Wasu 9:34

Petiro kammbia, “Ainea, Yesu Kristo amkukyiṟa. Amka, uale kyitaṟa kyapfo.” Cha ilyi kaamka.

Mawuto Ga Wasu 9:40

Petiro kawawia woose wafumie nja, kapfiria ndi, katerewa, numa ya iho kapaaya mnying'a ulya o Dorikasi, kagamba, “Tabita, amka.” Dorikasi ulya awepfiie kaambuo, kawona Petiro, kaamka, kaṙamia.

Waroma 15:19

kui pfinya tsa kyiṟingyishio na maṟiyisho, pfinyenyi tsa Mumuyo Mweele; mṟasa kyikawa wookyia Yerusalemu, na mṟasenyi mṟasa Ilyiriko, ngamwonguo Ndumi Ngyicha ya Kristo chandu kyiwaṟi.