Yohane 13:20 - Kivunjo New Testament 1999

²⁰ Ny'kyaloi ngammbia, ulya aambilyia mndu oose ngamṙuma, nangyiambilyia inyi; na ulya angyiambilyia inyi naambilyia ulya alengyiṙuma.”

Yohane 13:20 ပူးပေါင်းရင်းမြစ်များ

Matayo 25:40

Na Mangyi nechigaluo, echiwawia, ‘Ny'kyaloi ngammbia, chandu mulewutia umwi o wana wa wama-wo wako wai watutu, mulengyiwutia inyi.’

Mariko 9:37

“Mndu kaambilyia mana umwi o mbaṟe-i kui rina lyako, nangyiambilyia inyi; na mndu kangyiambilyia inyi, naambilyia, chi inyi-pfo, indi ulya alengyiṙuma.”

Luka 10:16

Momuaṙanyia nyoe, nangyiaṙanyia inyi; na amulega nyoe nangyilega inyi; na angyilega inyi nalega ulya alengyiṙuma.”

Luka 9:48

kawawia, “Mndu oose echiambilyia mana-chu kui rina lyako nangyiambilyia inyi; na mndu oose echingyiambilyia inyi naambilyia ulya alengyiṙuma. Kyipfa ai mtutu kyiiṙi kyanyu moose icho nyi oe ang'anyi.”

Wagalatia 4:14

Na kyiyesho kyilempaaya nyoe mmbiunyi oko mulekyimina maa ikyilega-pfo, indi mulengyiambilyia cha malaika o Ruwa, cha Kristo Yesu.

Wakolosai 2:6

Kyasia chandu muleambilyia Kristo Yesu, Mndumii, wutenyi kuṙo kyiiṙi kyakye;

1 Watesalonikye 4:8

Kyasia ulya ailega, ailega mndu-pfo indi Ruwa, ekyemuenenga nyoe Mumuyo okye Mweele.