Yohane 12:49 - Kivunjo New Testament 1999

⁴⁹ Cha kyipfa inyi ngyileonguo mbonyi tsa mrima oko tupu-pfo; indi Awu alengyiṙuma, oe nalengyiwia shindo ngyechigamba.

Yohane 12:49 ပူးပေါင်းရင်းမြစ်များ

Yohane 14:10

Uiṙikyie kye inyi ngyikyeri kyiiṙi kya Awu, na Awu nakyeri kyiiṙi kyako? Isho ngyimuongoya wulalu chi makusaṟo gako inyi-pfo kyaindi nyi Awu ulya akyeri kyiiṙi kyako aiṟunda shilya akundi iṟunda.

Yohane 14:24

Mndu alangyikundi, ekyeosha kyilya malosho gako gakundi-pfo; na malosho-go mugaichuoe chi gako-pfo, indi nyi ga ulya alengyiṙuma.”

Yohane 14:31

Kyaindi wandu wa wuyana wamanye kye ngyikundi Awu; na shilya Awu alengyiwia, nyisho ngyiwuta. Nnjonyi luwukye iha.”

Yohane 15:15

Ngyimulaga-se watumo-pfo; cha kyipfa mtumo aichi kyindo mndumii okye ekyewuta-pfo; kyaindi ngamlaga mbuya; cha kyipfa shoose ngyileshiicho ko Awu oko ngamuongoya.

Yohane 17:8

Cha kyipfa malosho ulengyienenga ngyilewaṙambika; nawo wakagaambilyia, wakamanya loi kye ngyilewuka kopfo, wakaiṙikyia kye nyi iyoe ulengyiṙuma.

Yohane 3:11

Ny'kyaloi ngakuwia kye, kyilya lukyiichi lukyionguo, na kyilya lulekyiwona lukyiṟingyishia. Kyaindi maa wuṟingyishi woṙu muwuiṙikyia-pfo.

Yohane 3:32

Shilya aleshiwona na ishiicho nyisho aiṟingyishia, kyaindi maa kuwoṙe mndu aiiṙikyia wuṟingyishi wokye-pfo.

Yohane 5:19

Kyasia Yesu kagaluo kawawia, “Ny'kyaloi ngammbia, Mana eiṙima iwuta kyindo amonyi sile kyilya awonyi Awu ewuta-pfo; cha kyipfa shoose ekyewuta oe, nyisho Mana ekyewuta.

Yohane 5:30

“Inyi ngyeiṙima iwuta kyindo ngyimonyi-pfo. Chandu ngyekyeicho nyi wuṙo ngyekyeanduya; na ianduya lyako nyi lya sungusinyi, cha kyipfa ngyekyewuta kyilya ngyikundi inyi-pfo, indi kyilya ulya alengyiṙuma akundi.

Yohane 6:68

Simion Petiro kagaluo, kagamba, “Mndumii! Luyende ko wui? Iyoe nuwoṙe maṙeṙo ga moo o mlungana.

Yohane 7:16

Kyasia Yesu kawagaluo, kagamba, “Malosho gako chi gako inyi-pfo, indi nyi ga ulya alengyiṙuma.

Yohane 8:26

Ngyiwoṙe shindo shifoi shegamba na sheanduya kyipfa kyanyu; kyaindi ulya alengyiṙuma nyi o loi, na inyi shilya ngyileicho kokye nyisho ngyishionguo iha wuyanenyi.”

Yohane 8:28

Kyasia Yesu kawawia, “Kyiyeri-kyo mochimarisa iwikyia Mana o Adamu msalabenyi nyi lyo-ndu momanya kye inyi nyi oe ulya ngammbia kye inyi nyi oe; na kye inyi ngyekyewuta kyindo kui iambuya kyilya ngyikundi-pfo, indi chandu Awu alengyilosha nyi wuṙo ngyekyeonguo.

Yohane 8:42

Yesu kawawia, “Kokooya Ruwa awekyeri awu onyu, muwengyikunda inyi; cha kyipfa ngyilewuka ko Ruwa, na inyi ngyilecha; maa ngyilecha kui ikunda lyako ngyimonyi-pfo, indi oe nyi oe alengyiṙuma.

Ulogo 1:1

Ishi nyi shindo Ruwa aleshukuya Yesu Kristo kundu nashiloṟe waṟundi wakye. Shindo shechiwutika iwinyi kyipfa Ruwa naṙumbuo shiwe kuṙo; na Yesu Kristo kashienenga malaika okye, malaika-cho kashishukuya Yohane na Yohane kashigamba ko wandu wa Ruwa.