Yohane 12:45 - Kivunjo New Testament 1999

⁴⁵ Na ulya angyiambuya inyi naambuya ulya alengyiṙuma.

Yohane 12:45 ပူးပေါင်းရင်းမြစ်များ

Yohane 12:41

Mbonyi-tsi Yesaya naletsionguo, cha kyipfa nalewona mng'ano okye, kasenda mbonyi tsakye.

Yohane 15:24

Wawechikumbuṟo kya wunyamaṟi wowo kokooya ngyilalewuta kyiiṙi kyawo shindo shilandewuto mndu ungyi oose-pfo; kyaindi wulalu wammbona shilya ngawuta, wakangyisuo inyi na Awu oko.

Yohane 6:40

Cha kyipfa kyilya Awu oko akundi nyi ikyi, kye orio mndu mokusuria Mana na imwiṙikyia, nawaṙe moo o mlungana; na inyi ngyechimṟutsa mfiri ulya o furumia.”

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

Wakolosai 1:15

Kristo nyi mfano o Ruwa alekyewono, mmbele o shindo shoose shishigumbe.

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.