Yohane 12:31 - Kivunjo New Testament 1999

³¹ Wulalu nyi kyiyeri kyeanduya wuyana. Wulalu Satana, mchilyi o wuyana-wu, nechiwiyitso nja.

Yohane 12:31 ပူးပေါင်းရင်းမြစ်များ

Matayo 12:28

Kyaindi inyi ngafuna waṟufui wawicho kui Mumuyo o Ruwa, kyasia Wumangyi wo Ruwa wommaa icha na konyu.

Yohane 14:30

Inyi ngyechiṙeṙa-se na nyoe shindo shifoi-pfo, cha kyipfa Satana, mchilyi o wuyana-wu naicha, na echiiṙima ingyiwutia kyindo-pfo.

Yohane 3:19

Na ilyi nyilyo ianduyo; kye ngyeela ilecha na wuyanenyi, na wandu wakakunda meema kuta ngyeela; kyipfa mawuto gawo gawemawicho.

Yohane 9:39

Yesu kagamba, “Inyi ngyilecha na kunu wuyanenyi ianduya, kundu iwo walaiwona wawone, na walya waiwona wawe shipfupfuṟe.”

Mawuto Ga Wasu 26:18

Uwapfunguoe meso, na iwaweṟutsa waṙe meema na iyenda saenyi, waṙe pfinya tsa Satana na iyenda ko Ruwa; naaho-ng'u Ruwa nawahooṟie ngyuunyamaṟi tsawo na wechikaa halya-ndu walya Ruwa awailyishie wechikaa kui ingyiiṙikyia inyi.’ ”

1 Wakorinto 1:20

Nyi kwi awoṙe wuṟango akyeri? Nyi kwi mlosha o mawawaso akyeri? Nyi kwi moende shigaluano akyeri? Ngyesa Ruwa alegaluo wuṟango wo wuyana iwa wutondo-pfoe?

1 Wakorinto 1:21

Cha kyipfa wuṟangonyi wo Ruwa, wandu wa wuyana walandeiṙime imanya Ruwa kui wuṟango wokye, Ruwa nalekunda ikyiṟa waiṙikyie Ruwa kui wutondo wo mbonyi tsilya tsilosho.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

Wafilyipi 6:12

Kyipfa ikapana lyaṙu soe chi na wandu-pfo; indi nyi na ngyuumangyi na pfinya, na wang'anyi wa meema-chu, nguulyimalyi tsa waṟufui wawicho wuyanenyi wo waṟufui.

Wakolosai 2:15

amsokye wachilyi wa meema wumangyi na wuchilyi wowo, na iwamichia numa yakye kui wukari kundu orio mndu nawone, echiloṟa chandu alewawingyia msalabenyi.

Waebrania 2:14

Kyasia, cha kyipfa wana-wa nyi wandu wawoṙe mmbiu na samu, maa oe nalewewa wuṙo, kundu kui njia ya upfu nanyamaṟe ulya awewoṙe pfinya tsa upfu, Mokyiriinzi,

1 Yohane 3:8

Mndu ekyewuta sha wunyamaṟi nyi o Satana; cha kyipfa Satana nekyewuta sha wunyamaṟi wookyia mawookyionyi. Kyipfa kya ikyo Mono-Ruwa naleloṟo, kundu nanyamaṟe maṟunda ga Mokyiriinzi.

1 Yohane 4:4

Nyoe, wana watutu, muwoṙe mumuyo uwukyie ko Ruwa; na nyoe mowawinga; cha kyipfa ulya akyeri mrimenyi konyu nang'anyi kuta ulya akyeri wuyanenyi.

1 Yohane 5:19

Luichi kye soe lukyeri wana wa Ruwa; na wandu wa wuyana woose taa wekyekaa ko Satana.