Yohane 12:30 - Kivunjo New Testament 1999

³⁰ Yesu kagaluo, kagamba, “Ṟui-lyo lyacha kyipfa kyako-pfo, indi kyipfa kyanyu.

Yohane 12:30 ပူးပေါင်းရင်းမြစ်များ

Yohane 11:15

Inyi ngachihiyo kyipfa kyanyu kye ngyiwekyeri ipfo-pfo, kundu muiṙikyie. Kyaindi sindenyi kokye.”

Yohane 11:42

Na inyi ngyilemanya kye uyoe nokyengyiaṙanyia mfiri yoose, kyaindi kyipfa kya wandu-wa waisanzia iha ngyilegamba ishi, kundu waiṙime iiṙikyia kye nyi iyoe ulengyiṙuma.”

Yohane 12:31

Wulalu nyi kyiyeri kyeanduya wuyana. Wulalu Satana, mchilyi o wuyana-wu, nechiwiyitso nja.

Yohane 5:34

Kyaindi inyi ngyiambilyia wuṟingyishi ko wandu-pfo; indi ngyigamba ishi kundu nyoe muiṙime ikyia.

2 Wakorinto 8:9

Kyipfa mommanya isaṟia lya Mndumii oṙu Yesu Kristo, maa chandu awekyeri mnjama, kyipfa kyanyu, nalewa mkyiwa kundu nyoe muiṙime iwa wanjama kui wufofo wokye.