Yohane 12:26 - Kivunjo New Testament 1999

²⁶ Mndu kangyiṟundia nangyioshe; na inyi handu ngyikyeri nyi ho-ndu na mṟundi oko echikaa. Lyingyi-se mndu kangyiṟundia, Awu nechimwindia.”

Yohane 12:26 ပူးပေါင်းရင်းမြစ်များ

Matayo 16:24

Kyiyeri-kyo Yesu nalewia wanalosho wakye, “Mndu oose kakunda ingyiosha, nakulege amonyi, nakuṙikye msalaba okye, nangyioshe.

Matayo 25:21

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Mariko 8:34

Kalaga wuingyi wo wandu hamwi na wanalosho wakye, kawawia, “Mndu oose akundi ingyiosha nakulege amonyi, nakuṙikye msalaba okye, nangyioshe.

Luka 12:37

Wagusu waṟundi walya, kyiyeri mndumii owo echicha nawakooye walee kyiṙombo. Loi ngyimmbia, nekuinewa na iwaenenga kyelya, na iwaṟundia.

Luka 6:46

“Ny'kyilyi mungyilaga, Mndumii, Mndumii, kyaindi mulawute shilya ngyigamba?

Luka 9:23

Kawawia woose, “Mndu oose kakunda ingyiosha nakulege amonyi, nakuṙikye msalaba okye orio mfiri nangyioshe.

Yohane 10:27

Moondo gako gekyemanya ṟui lyako; na inyi ngyiichi moondo-go, nago gekyengyiosha.

Yohane 13:16

Ny'kyaloi ngammbia, mtumo ang'anyi kuta mndumii okye-pfo; maa moṙiko ndumo ang'anyi kuta ulya amṙuma-pfo.

Yohane 14:15

“Mukongyikunda mochiosha kyilya mawawaso gako gakundi.

Yohane 14:3

Kyasia inyi ngyindemuṟeyeṟia handu hekaa. Ngyechicha-se ngyimuṙuo koko; kundu handu ngyikyeri, na nyoe mukae ho.

Yohane 15:20

Kumbuonyi mbonyi tsilya ngyilemuongoya, kye mtumo ang'anyi kuta mndumii okye-pfo. Kokooya walengyipfulutsa nyashi, wechimpfulutsa nyashi nyoe; kokooya waleosha malosho gako, wechiosha ganyu taa.

Yohane 17:24

Awu, iwo ulengyienenga ngyikundi wakae handu hamwi na inyi orio handu ngyikyeri, waiṙime iwona mng'ano ulengyienenga; cha kyipfa nulengyikunda wookyia wuyana wulagumbo.

Yohane 21:22

Yesu kammbia, “Kokooya ngyikundi ichu nawaṙe moo mṟasa kyiyeri ngyechicha, kyikuwaṟi kyi iyoe? Iyoe ngyiosha.”

Waroma 1:1

Paruo-i yawuka koko inyi Paulo, mṟundi o Yesu Kristo, alelago nawe msu, na iteseṟo naonguoe Ndumi Ngyicha ya Ruwa;

Waroma 14:18

Kyipfa ulya aiṟundia Kristo mbonyi-tso tsekyechihiṟa Ruwa, na lyingyi-se nekyeiṙikyio nyi wandu.

2 Wakorinto 4:5

Cha kyipfa lukuongoya mbonyi luwenyi-pfo, indi Kristo Yesu kye nyi Mndumii; na soe luwenyi kye lukyeri waṟundi wanyu kyipfa kya Yesu.

2 Wakorinto 5:8

Kyaindi luwoṙe mrima ngyikarishe; na soe luwonyi nyi nanga ilekana na mmbiu-i na ikaa hamwi na Mndumii.

Wagalatia 1:10

Kyipfa wulalu ngyesa ngyikundi ikundo nyi wandu? Ote! Kyindo ngyikundi nyi ikundo nyi Ruwa. Kyipfa kokooya ngyiwekundi mṟasa wulalu ichihiṟa wandu, ngyiwechiwa mṟundi o Kristo-pfo.

Waefeso 1:23

Kuwoṙe shindo shiwi shingyikuruo. Ngyikundi iyenda ngyikae na Kristo; kyipfa nyi necha ngoseṟa.

Wakolosai 3:24

muichi kye moambilyia ko Mndumii wori wo kyioṟa. Muiṟundia Mndumii Kristo.

Wakolosai 4:12

Epafura, akyeri mndu o konyu, mṟundi o Yesu Kristo, namuiṟikyiṟa, echipfuṟukana mfiri yoose kyipfa kyanyu shiterewonyi shakye, kundu kye mugoṟokye muafutsie iiṙikyia na iṟingyishio mnu shindonyi shoose Ruwa akundi.

2 Petiro 1:1

Inyi Simion Petiro, ngyikyeri mṟundi na msu o Yesu Kristo, ngaṟeia paruo-i ko walya walewona iiṙikyia lyimwi na soe, lyiwoṙe woguru, wusumganyinyi wo Ruwa oṙu, na Mkyiṟa Yesu Kristo.

1 Yohane 5:3

Cha kyipfa ipfo nyipfo ikunda Ruwa, kye luoshe shilya mawawaso gakye gagamba; maa mawawaso gakye gamalemeri-pfo.

Yuda 1:1

Inyi Yuda, mṟundi o Yesu Kristo, na mono-wama o Yakobo, ngyimuṟeia paruo-i nyoe muwalage nyi Ruwa, mulekundo nyi Ruwa Awu, na ikoomo kyipfa kya Yesu Kristo.

Ulogo 14:4

Iwa nyiwo walekyefanyiṟo nyi waka, cha kyipfa nyi wakyega. Iwa nyiwo wekyeosha Kyiondo kya Ruwa orio handu kyayenda. Iwa wawaguṟe ko wandu, kyilyimu kya kuwooka ko Ruwa na ko Kyiondo kya Ruwa.