Yohane 12:20 - Kivunjo New Testament 1999

²⁰ Kuwewoṙe Wakyiṟikyi waata kyiiṙi kya wandu walekowayenda Yerusalemu iterewa Ruwa kyiyeri kya mṟumoe ulya o Pasaka.

Yohane 12:20 ပူးပေါင်းရင်းမြစ်များ

Mariko 7:26

Na mndu mka ulya nyi Mkyiṟikyi, amfee ko Wasirofoinikye. Kamterewa nawute mana ulya okye o kyika mṟufui mmbicho.

Yohane 12:1

Kyasia hatsugae mfiri iṟandaaṟu mṟumoe o Pasaka uafukyie, Yesu naleshika Betania, halya-ndu Lasaro awekyeri, ulya Yesu alemṟutsa ko wapfu.

Yohane 12:19

Kyasia Mafarisayo wakawiana wo wenyi ko wenyi, “Kuwoṙe kyindo luiria iha-pfo; wandu woose waimwosha.”

Yohane 7:35

Kyasia Wayuda wakawesana, “Ichu nechiyenda kwi mṟasa lulechimmbona? Ngyesa nechiyenda mṟinyi ikyeri nja ya uruka loṙu kulya-ndu wandu walai Wayuda wekyekaa na iwalosha?

Mawuto Ga Wasu 14:1

Kyiyeri wawei kulya Ikonio wakaiṙa na sinagoginyi lya Wayuda; na chandu waleonguo mbonyi, Wayuda na Wakyiṟikyi wafoi wakaiṙikyia Yesu.

Mawuto Ga Wasu 16:1

Kyasia kashika Deribe na Lyistira, na iho hawewoṙe manalosho umwi ekyelago Timoteo, mana o Mndu mka Myuda aweiṙikyie Yesu; kyaindi awuye nawekyeri Mkyiṟikyi.

Mawuto Ga Wasu 17:4

Wandu wengyi kyiiṙi kya Wayuda walya wakaiṙikyia, wakaoshana na Paulo na Sila; na Wakyiṟikyi waweiṙikyie Ruwa, wafoi mnu hamwi na waka wawoṙe rina.

Mawuto Ga Wasu 20:21

ngyechiṟingyishia Wayuda na Wakyiṟikyi watochie Ruwa wunyamaṟi na iiṙikyia Mndumii oṙu Yesu Kristo.

Mawuto Ga Wasu 21:28

wakakalagatsa, na igamba, “Lanyoe wasoṟo wa Isiraelyi lutaramenyi. Ichu nyi oe mndu ulya ekyelosha wandu woose orio handu, chandu kyilaṙuṙanyi na isanga lyaṙu maa uwawaso, maa miichiwie ya handu-ha. Lyingyi-se, ngoseṟa ya isho, naitsa Wakyiṟikyi na hekalunyi, kafanyiṟa kyimṟumoe handu-ha haele.”

Mawuto Ga Wasu 8:27

Na oe kafuma, kayenda. Cha ilyi kawona mndu awukyie uruka lo Kushi, awoṙe wuchilyi wanda ya Kandakye, Mangyi o kyika o Kushi, ammbikye iambuya heleri tsoose. Na oe naleyenda Yerusalemu indeterewa Ruwa.

Waroma 1:16

Kyipfa ngyiwonia sonu Ndumi Ngyicha-pfo; kyipfa nyi wuiṙimi wo Ruwa wokyeende wukyiṟo, ko orio mndu aiṙikyie, ko Myuda kuwooka, na ko Mkyiṟikyi taa.

Waroma 10:12

Cha kyipfa kuwoṙe mbaṟe ingyi ko Myuda na Mkyiṟikyi-pfo, kyipfa oe nyi Mndumii o woose, awoṙe wunjama ko woose wekyemlaga;

Wagalatia 2:3

Kyaindi Tito awekyeri hamwi na inyi, na oe nyi Mkyiṟikyi, aleitiko iṙino-pfo.

Wagalatia 3:28

Kuwoṙe-se Myuda maa Mkyiṟikyi-pfo. Kuwoṙe-se mtumo ang'u alakyeri mtumo-pfo. Kuwoṙe-se mndu msoṟo maa mndu mka-pfo. Kyipfa nyoe moose mowa kyindo kyimwi kyiiṙi kya Kristo Yesu.

Wakolosai 3:11

Iho kuwoṙe Mkyiṟikyi maa Myuda-pfo, iṙino maa iṙa iṙino-pfo, muyenu maa tondo, mtumo maa ulya alakyeri mtumo-pfo, indi Kristo nyi shoose, na kyiiṙi kya shoose.