Yohane 12:17 - Kivunjo New Testament 1999

¹⁷ Wandu walya wawei na Yesu kyiyeri kyilya alelaga Lasaro na imṟutsa iwuka upfunyi walekowammbia ny'kyikyi kyilekokyawutika.

Yohane 12:17 ပူးပေါင်းရင်းမြစ်များ

Yohane 1:19

Na iwu nyiwo wuṟingyishi wo Yohane, kyiyeri Wayuda waleṙuma makohanyi kokye na Walewi iwuka Yerusalemu kundu wammbese, “Iyoe nukyeri wui?”

Yohane 1:32

Lyingyi-se Yohane kaṟingyishia, echigamba, “Ngyilewona Mumuyo echisoka cha mbeta awuka ruwewu; na oe kaṙamia wuye yakye.

Yohane 1:34

Na inyi ngammbona, lyingyi-se ngaṟingyishia kye ichu nyi Mana o Ruwa.”

Yohane 11:31

Kyasia Wayuda walya wawekyeri na Maria kanyi, wechimmbiyiṟia moo, kyiyeri walewona chandu aamka faṟa na iyenda, walemwosha; kunu wechikusaṟa kye naweiyenda kyilomenyi nandelyilyia pfo.

Yohane 11:42

Na inyi ngyilemanya kye uyoe nokyengyiaṙanyia mfiri yoose, kyaindi kyipfa kya wandu-wa waisanzia iha ngyilegamba ishi, kundu waiṙime iiṙikyia kye nyi iyoe ulengyiṙuma.”

Yohane 12:9

Kyasia wandu wafoi kyiiṙi kya Wayuda walemanya kye nawekyeri kulya Betania; wakacha, chi kyipfa kya Yesu tikyi-pfo, indi kundu wawone na Lasaro, ulya Yesu alekoamṟutsa ko wapfu.

Yohane 19:35

(Na ulya alewona kaṟingyishia, na wuṟingyishi wokye nyi wo loi, na oe naichi kye nagamba loi kundu na nyoe muiṙime iiṙikyia).

Yohane 21:24

Ichu nyi manalosho ulya aṟingyishia na iṟeia mbonyi-tsi; na soe luichi kye wuṟingyishi wokye nyi loi.

Mawuto Ga Wasu 1:22

iwookyia wupatiso wo Yohane, mṟasa mfiri ulya alewuto koṙu iyenda wuye ruwewu, kyiwaṟi umwi owo nawe mṟingyishi o iṟuka lyakye hamwi na soe.”

Mawuto Ga Wasu 5:32

Na soe lui waṟingyishi wa mbonyi-tsi, hamwi na Mumuyo Mweele ulya Ruwa aleenenga woose wekyemwindia.”

Ulogo 1:2

Yohane aleṟingyishia Ṙeṙo lya Ruwa, na wuṟingyishi wo Yesu Kristo, wo shindo shoose alewona.