Yohane 11:55 - Kivunjo New Testament 1999

⁵⁵ Na Pasaka ya Wayuda iwekyeri kufuhi, na wandu wafoi wakawuka maṙemenyi wakaṙo iyenda Yerusalemu, mfiri o Pasaka ulandeshikye, kundu wawute kyilya kyechiwailyiṟa kyimṟumoe mesonyi ga Ruwa.

Yohane 11:55 ပူးပေါင်းရင်းမြစ်များ

Matayo 26:1

Na lyilya Yesu alemarisa ionguo shindo-sho shoose, nalewia wanalosho wakye,

Matayo 26:2

“Muichi kye numa ya mfiri iwi kochiwa pasaka, na Mono-Adamu nechiṟiingo nakapio msalabenyi.”

Mariko 14:1

Numa ya mfiri iwi kuwekyeri mfiri ung'anyi o Pasaka na mkate ilawengyitarang'ishe wang'anyi wa makohanyi na walosha wa mawawaso wakapfula njia ya immbaṙa kui ngyeṟo na immbaaga.

Luka 22:1

Mfiri ung'anyi o mkate ilangyitarang'ishe, okyelago Mfiri ung'anyi o Pasaka, uletikyira kufuhi.

Yohane 12:1

Kyasia hatsugae mfiri iṟandaaṟu mṟumoe o Pasaka uafukyie, Yesu naleshika Betania, halya-ndu Lasaro awekyeri, ulya Yesu alemṟutsa ko wapfu.

Yohane 13:1

Kyasia, mṟumoe o Pasaka ulandeafukyie Yesu nalemanya kye kyiyeri kyakye kyewuka kunu wuyanenyi iyenda ko Awu, kyiwemshika. Na nalekunda walya wawekyemwosha kunu wuyanenyi, kawakunda mnu.

Yohane 18:28

Kyasia wakawuta Yesu ko Kayafa wakamṙuo mṟasa numba ya wuchilyi iwekyelago Praitorio. Napfo kukokya, kyaindi wo waleiṙa na kulya numbenyi-pfo, walachefana kyimṟumoe, wachelemo ilya shelya sha mṟumoe ulya o Pasaka.

Yohane 2:13

Na Pasaka ya Wayuda iwekyeri kufuhi; na Yesu kaṙo mṟasa Yerusalemu.

Yohane 2:6

Kyasia kuwewoṙe shigondi shiṟandaaṟu sha magoe, shiweshiwikye pfo kui muichiwie o Wayuda o samba kyimṟumoe, orio kyimwi kyiwoṙe cha madewe gaṟaaṟu.

Yohane 5:1

Numa ya isho, Yesu kayenda Yerusalemu mṟumoenyi o Wayuda.

Yohane 6:4

Na Pasaka, mfiri ung'anyi o Wayuda, uwekyeri kufuhi.

Mawuto Ga Wasu 21:24

Ṙuo wandu-wo, usanjo hamwi nawo, mulawaṙe ukoe mbele ya Ruwa; na itaa kyilya kyiwaṟi itoo kundu wasanjo, wawute njui mṙoenyi yawo, wandu woose waiṙime imanya kye mbonyi tsilya tsapfo walewio chi kyindo-pfo, indi iyoe nuiwuta chandu kyiwaṟi na iosha uwawaso.

Mawuto Ga Wasu 21:26

Naaho-ng'u Paulo kalaga wasoṟo walya, na ilya-ngama kasanja mrima okye hamwi nawo, kaiṙa na hekalulyi, echionguo kyindo kyiwaṟi iwuto mfiri iya ya isanjo, mṟasa kyienengo kyiwuto kyipfa kyawo.

Mawuto Ga Wasu 24:18

Wakangyiwona hekalunyi ngyepfuṟukania mbonyi-tsi, ngyimwilyi peṟu kyimṟumoe, maa ngyiwewika kyisanzionyi maa iamtsa kyituṟu-pfo; kyaindi kuwewoṙe Wayuda waata wawukyie Asia;

1 Wakorinto 11:28

Kyaindi mndu nakuwese mrimenyi kokye kokooya mbonyi tsikyeri necha, naaho nalye mkate na inyo iwuka kyiṙoonyi.

Yakobo 4:8

Tikyirenyi ko Ruwa, na oe netikyira kufuhi na nyoe. Sanjenyi mawoko ganyu kyimṟumoe, nyoe wanyamaṟi, na isanja mrima yanyu nyoe wakulembecheṟi.