Yohane 11:52 - Kivunjo New Testament 1999

⁵² Maa chi kyipfa kya uruka-lo tupu-pfo; kyaindi hamwi na isho nasanie wana woose wa Ruwa wanyanyaṟikyie; kundu wawe wamwi.

Yohane 11:52 ပူးပေါင်းရင်းမြစ်များ

Luka 15:8

“Ang'u kuwoṙe mndu mka uha awoṙe shilyingyi ikumi, kaṙetsa imwi alechikoṟa taa na iaiya numba, na ipfula kui wuragari mṟasa naiwone?

Luka 2:32

Ngyeela yelyimika Masanga, na iwa mng'ano o wandu wapfo Isiraelyi.”

Yohane 1:12

Indi woose walemwambilyia nalewaenenga wuiṙimi wo iwa wana wa Ruwa; nyi walya waiṙikyie rina lyakye.

Yohane 1:29

Ilya-ngama kawona Yesu echicha na kokye, kagamba, “Aikyi Kyiondo kya Ruwa, kyechiwuta ngyuunyamaṟi tsa wuyana!

Yohane 10:16

Ngyiwoṙe na moondo gengyi, galakyeri ga mfiṟiga-chu; na igo nago kyingyiwaṟi igaende na kunu mfiṟigenyi, na ṟui lyako gechilyiaṙanyia. Naaho-ng'u kochiwaṙa poo lyimwi na mlyisi umwi.

Yohane 12:32

Na inyi ngairo iwuka kunu urukyenyi ngyechikuruo woose wache na koko.”

Mawuto Ga Wasu 18:10

cha kyipfa inyi ngyikyeri na iyoe, maa kuwoṙe mndu eiṙima ikukapa-pfo; cha kyipfa inyi ngyiwoṙe wandu wafoi kunu mṟinyi.”

Waroma 3:29

Aa ngyesa Ruwa nyi Ruwa o Wayuda tupu? Chi Ruwa o wandu walakyeri Wayuda taa-pfoe? Yee, nyi Ruwa o walakyeri Wayuda taa.

Waroma 4:17

(chandu kyikyiṟeie, “Ngyilekuwika uwe awu o Masanga gafoi;”) mbele ya Ruwa ulya alemwiṙikyia, moenenga wapfu moo, ekyeloṟa maa shindo shilakyeri pfo.

Wafilyipi 1:5

Cha kyipfa nalesonguo ilusambuṟa, kundu nalugaluo wana wakye kui njia ya Yesu Kristo, iṙuana na kyilya akundi.

Wafilyipi 3:11

iṙuana na ikusuria lya mlungana alelyikusuria kyiiṙi kya Kristo Yesu Mndumii oṙu.

Yakobo 1:1

Yakobo, mtumo o Ruwa, na o Mndumii Yesu Kristo, ko wandu woose wa Ruwa wanyanyaṟikyie ipfo na ipfo; ngamuiṟikyiṟa.

1 Petiro 1:1

Inyi Petiro, ngyikyeri msu o Yesu Kristo, ngaṟeia paruo-i ko wasambuṟe wanyanyaṟikyie ipfo na ipfo, wekyekaa cha wayenu ngyuurukyenyi tsa Ponto, na Galatia, na Kapadokyia, na Asia, na Bitinia.

1 Yohane 2:2

Na oe nyi oe moluwuta ngyuunyamaṟi tsaṙu; chi ngyuunyamaṟi tsaṙu tupu-pfo indi na tsa wandu wa wuyanenyi koose.

1 Yohane 3:1

Kumbuonyi nyi ikunda lya mbaṟe iha Awu aleluenenga, kye lulago wana wa Ruwa; na nyi wuṙo lukyeri. Kyipfa kya ikyo wandu wa wuyana waluichi-pfo, cha kyipfa walemanya Ruwa-pfo.

1 Yohane 3:10

Kyipfa kya ikyo wana wa Ruwa waichio na pata, na wana wa Mokyiriinzi taa. Mndu oose alekyewuta sha wusumganyi awukyie ko Ruwa-pfo, maa ulya alakundi mono-wama okye.

1 Yohane 3:2

Wakunde, wulalu lukyeri wana wa Ruwa, maa kyilandemanyikye chandu lochiwa-pfo; kyaindi luichi kye kyiyeri Kristo echiloṟo, lochiwa cha oe; cha kyipfa lochimmbona chandu akyeri.

Ulogo 5:9

Nawo waiimba kyiimbo kyihya, wechigamba, “Nuwaṟi iyoe iwaṙa kyitapu-kyo na ifunja shindo shakyo shaloṟa monyi okyo; cha kyipfa nuleshinjo, koguṟia Ruwa kui samu yapfo wandu wa orio mbaṟe na mṙeṙie na kyishari na isanga.