Yohane 11:47 - Kivunjo New Testament 1999

⁴⁷ Kyasia wang'anyi wa makohanyi na Mafarisayo wakalaga wandu na mengyenyi, wakagamba, “Ny'kyikyi luiwuta? Kyipfa mndu-chu naiwuta shindo shifoi sha maṟiyisho.

Yohane 11:47 ပူးပေါင်းရင်းမြစ်များ

Matayo 26:3

Kyiyeri kyilya wang'anyi wa makohanyi, na wasongoru wa wandu, wakasanzia numbenyi ya Mkohanyi ang'anyi kuta woose ekyelago Kayafa;

Matayo 5:22

Kyaindi inyi ngammbia, orio mndu mokapo nyi nyashi kyipfa kya mono-wamae kyimmbaṟi ianduyo. Na mndu molahia mono-wamae, kyimmbaṟi iṙeṙio moondu. Na mndu kamlaga tondo, kyimmbaṟi ngyehena ya moṙo.

Mariko 14:1

Numa ya mfiri iwi kuwekyeri mfiri ung'anyi o Pasaka na mkate ilawengyitarang'ishe wang'anyi wa makohanyi na walosha wa mawawaso wakapfula njia ya immbaṙa kui ngyeṟo na immbaaga.

Luka 22:2

Na wang'anyi wa makohanyi na walosha wa mawawaso waweipfula njia ya immbaaga; kyipfa wawekyeowuo wandu.

Yohane 11:57

Na wang'anyi wa makohanyi na Mafarisayo walekowagamba kye mndu kamanya handu akyeri, naende mbonyi, kundu waiṙime immbaṙa.

Yohane 12:19

Kyasia Mafarisayo wakawiana wo wenyi ko wenyi, “Kuwoṙe kyindo luiria iha-pfo; wandu woose waimwosha.”

Yohane 2:11

Kyindo-kyi kya kuwooka kya kyiṟiyisho Yesu nalekyiwuta kulya Kana ya Galyilaya, kaṟingyishia mng'ano okye, na wanalosho wakye wakamwiṙikyia.

Yohane 6:2

Na kyisanzionyi kying'anyi kya wandu kyikamwosha, cha kyipfa walewona shiṟiyisho alewutia wandu waluoe.

Yohane 7:32

Mafarisayo wakaicho wandu walya wechinunuwa kyipfa kya Yesu. Kyasia wang'anyi wa makohanyi na Mafarisayo wakaṙuma waṟundi kundu wammbaṙe.

Yohane 7:45

Kyasia waṟundi walya wakayenda ko wang'anyi wa makohanyi na Mafarisayo. Nawo wakawawesa, “Ny'kyilyi mulamwende?”

Mawuto Ga Wasu 5:21

Nawo kyiyeri waleicho wakayenda hekalunyi ngamenyi utuko, wakawooka ilosha. Mkohanyi ulya ang'anyi kuta woose kacha na walya wawekyeri hamwi na oe, wakalaga wandu na mengyenyi, na wameeku woose na wana wa Isiraelyi, wakaṙuma wandu kulya kyipfungonyi kundu waende wasu walya.

Mawuto Ga Wasu 5:24

Kyasia msongoru o asikari wekyeringa hekalu na wang'anyi wa makohanyi kyiyeri waleicho mbonyi-tso, walamanye kyewuta, kye mbonyi-tso tsechiwa kuṙa.