Yohane 11:32 - Kivunjo New Testament 1999

³² Kyasia kyiyeri Maria aleshika halya-ndu Yesu awekyeri, na immbona, naleoloka maṙendenyi gakye, kammbia, “Mndumii, kokooya uwekyeri iha, msacha oko awechipfa-pfo.”

Yohane 11:32 ပူးပေါင်းရင်းမြစ်များ

Luka 17:16

Kakuolotsa wanda maṙendenyi gakye, kamwana; na oe nyi-we Msamaria.

Luka 5:8

Simion Petiro ammbone kuṙo, naleoloka maṙendenyi ga Yesu, echigamba, “Wuka koko, kyipfa inyi nyi mndu mnyamaṟi, Mndumii.”

Luka 8:41

Na mndu umwi ekyelago Yairo kacha, na oe nawei ang'anyi o sinagogi. Kaoloka maṙendenyi ga Yesu, kamterewa naiṙe na kanyi kokye;

Yohane 11:2

Maria nyi oe ulya aleshia Mndumii Yesu mafuṙa gekyepfaama necha, kamwanguo maṙende kui njui tsakye. Nyi oe Lasaro msacha okye aweluoe.

Yohane 11:21

Kyasia Marita kawia Yesu, “Mndumii, kokooya uwekyeri iha, msacha-chu oko aweipfa-pfo.

Yohane 11:37

Indi wengyi wakagamba, “Ngyesa ichu aleenenga kyipfupfuṟe kyilya wuiṙimi wo iwona, aleiṙima ishingyia ichu alapfe-pfoe?”

Yohane 4:49

Mchilyi ulya kammbia, “Mndumii, nnjo mono-ko alapfa.”

Ulogo 22:8

Na inyi Yohane nyi oe ngyileicho na iwona mbonyi-tso. Na ilyi ngyiletsiicho na itsiwona ngyileoloka, kundu ngyiterewe na iindia mbele ya maṙende ga malaika ulya alengyiloṟa mbonyi-tso.

Ulogo 5:14

Na walya waana wai na moo wakagamba, “Amen.” Na wameeku walya waleoloka, wakapfiria ndi.

Ulogo 5:8

Na kyiyeri amwambilyie kyitapu-kyo, iwo waana wai na moo na wameeku walya makumi gawi na waana wakaoloka mbele ya Kyiondo kyilya kya Ruwa, orio umwi owo awoṙe wuṙa wo ndusu, na pakulyi tsa sahapu tsiichuo shindo shekyepfaama necha, shikyeri nyi shiterewo sha wandu wa Ruwa.