Yohane 10:38 - Kivunjo New Testament 1999

³⁸ Kyaindi ngagaṟunda, maa kokooya mulangyiiṙikyia inyi, iṙikyienyi maṟunda-go; muiṙime imanya kye Awu nai kyiiṙi kyako, na inyi ngyii kyiiṙi kya Awu.”

Yohane 10:38 ပူးပေါင်းရင်းမြစ်များ

Yohane 10:25

Yesu kawagaluo, kawawia, “Ngyilemmbia, kyaindi nyoe mulaiṙikyie. Maṟunda-ga ngyiṟunda kui rina lya Awu oko nyigo gaingyiṟingyishia.

Yohane 10:30

Inyi na Awu lukyeri kyindo kyimwi.”

Yohane 11:4

Na Yesu kyiyeri aleicho, nalegamba, “Ndoṟe-i yechiende upfu-pfo, indi yacha kyipfa kya mng'ano o Ruwa, kundu Mono-Ruwa nang'anyiso kui ndoṟe-yo.”

Yohane 14:20

Mfiri ulya mochimanya kye inyi na Awu oko nyi kyindo kyimwi, na inyi na nyoe nyi kyindo kyimwi.

Yohane 17:11

“Maa inyi ngyikyeri-se wuyanenyi-pfo, kyaindi wo wakyeri wuyanenyi, na inyi ngyiicha na kopfo. Awu mweele, kui rina lyapfo ulengyienenga uwaringye iwa, kundu wawaṙane tapu chandu soe lukyeri.

Yohane 3:2

Mndu-cho nalecha na ko Yesu kyio, kammbia, “Rabi, luichi kye iyoe nyi mlosha uwukyie ko Ruwa; cha kyipfa kuwoṙe mndu eiṙima iwuta shiṟiyisho-shi uiwuta iyoe-pfo, sile kokooya Ruwa nakyeri na mndu-cho.”

Yohane 5:36

Kyaindi wuṟingyishi ngyiwoṙe inyi wung'anyi kuta wulya wo Yohane; cha kyipfa maṟunda galya Awu alengyienenga ngyigaṟunde gangyiṟingyishia kye Awu nalengyiṙuma.

Mawuto Ga Wasu 2:22

“Nyoe wasoṟo wa Isiraelyi, aṙanyienyi mbonyi-tsi: Yesu awukyie Nasareti, mndu Ruwa alemloṟa konyu kui ṟigo na shindo sheṟiyisha, Ruwa aletsiwuta amonyi, chandu nyoe muichi.

1 Yohane 3:24

Na oe ekyeosha shilya mawawaso gakye gagamba namlungye na Ruwa, na Ruwa namlungye na oe. Na kyipfa kya Mumuyo ulya Ruwa aleluenenga luichi kye Ruwa namlungye na soe.