Yohane 10:32 - Kivunjo New Testament 1999

³² Yesu kawagaluo, kawawia, “Ngyilemumloṟa maṟunda mecha gafoi gawukyie ko Awu, nyi lyiha lyamuenenga ilanga ingyikapa na magoe?”

Yohane 10:32 ပူးပေါင်းရင်းမြစ်များ

Matayo 11:5

shipfupfuṟe shienengo iwona, shiwete shichumia, wawoṙo nyi taambo waiyeṟemtso, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Yohane 10:25

Yesu kawagaluo, kawawia, “Ngyilemmbia, kyaindi nyoe mulaiṙikyie. Maṟunda-ga ngyiṟunda kui rina lya Awu oko nyigo gaingyiṟingyishia.

Yohane 10:31

Kyasia Wayuda wakaira-se magoe kundu wamkape nago.

Yohane 10:33

Wayuda wakamgaluo, wakagamba, “Luikukapa na magoe kyipfa kya kyindo kyicha uleṟunda-pfo; indi kyipfa kya ilahia Ruwa, na kyipfa nyi mndu uikuloṟa kye nui Ruwa.”

Yohane 10:37

Kokooya ngyilaiṟunda maṟunda ga Awu oko, mulangyiiṙikyie.

Yohane 5:36

Kyaindi wuṟingyishi ngyiwoṙe inyi wung'anyi kuta wulya wo Yohane; cha kyipfa maṟunda galya Awu alengyienenga ngyigaṟunde gangyiṟingyishia kye Awu nalengyiṙuma.

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 2:22

“Nyoe wasoṟo wa Isiraelyi, aṙanyienyi mbonyi-tsi: Yesu awukyie Nasareti, mndu Ruwa alemloṟa konyu kui ṟigo na shindo sheṟiyisha, Ruwa aletsiwuta amonyi, chandu nyoe muichi.

1 Yohane 3:12

Lulawe cha Kaini awekyeri o Satana, kawaaga mono-wama okye-pfo. Na oe nalemmbaaga kyipfa kya kyikyi? Cha kyipfa mawuto gakye gawemawicho, na galya ga mono-wamae gawei ga wusumganyi.