Yohane 10:24 - Kivunjo New Testament 1999

²⁴ Kyasia Wayuda wakamwiṟiwia, wakammbia, “Nolyisa mrima yaṙu wukyiwa mṟasa indi? Kokooya iyoe nyi oe Kristo uluwie na pata.”

Yohane 10:24 ပူးပေါင်းရင်းမြစ်များ

Matayo 11:3

“Iyoe nyi ulya aicha, ang'u luweṙelyie ungyi?”

Mariko 8:32

Na oe naweionguo mbonyi-tso na pata. Petiro kamṙuo, kawooka imṙeria.

Luka 3:15

Kyasia, lyilya wandu waweiweṙelyia kyindo kyechiwutika, woose wechikusaṟa mrimenyi kowo mbonyi tsa Yohane, kokooya oe nyi oe Kristo,

Yohane 1:19

Na iwu nyiwo wuṟingyishi wo Yohane, kyiyeri Wayuda waleṙuma makohanyi kokye na Walewi iwuka Yerusalemu kundu wammbese, “Iyoe nukyeri wui?”

Yohane 10:31

Kyasia Wayuda wakaira-se magoe kundu wamkape nago.

Yohane 10:33

Wayuda wakamgaluo, wakagamba, “Luikukapa na magoe kyipfa kya kyindo kyicha uleṟunda-pfo; indi kyipfa kya ilahia Ruwa, na kyipfa nyi mndu uikuloṟa kye nui Ruwa.”

Yohane 16:25

“Isho ngamuongoya kui mbia. Kyiyeri kyiicha ngyilechiṙeṙa-se na nyoe kui mbia; kyaindi mbonyi tsa Awu ngyechimuongoya na pata.

Yohane 8:25

Kyasia wakammbia, “Iyoe nyi wui?” Yesu kawawia, “Inyi nyi ulya ngammbia wookyia mawookyionyi kye inyi oe.

Yohane 8:53

Iyoe nung'anyi kuta awu oṙu Abrahamu, alempfa? Weonguo shisuku nawo walempfa. Nukundi ikuloṟa iyoe nyi wui?”

Yohane 9:22

Wafee wakye walegamba kuṙo kui iowuo Wayuda; cha kyipfa Wayuda walekowaiṙikyiana kye mndu echigamba kye nyi Kristo, nechiimo momu o yenda sinagoginyi.

2 Wakorinto 3:12

Kyasia, kyipfa luwoṙe iweṙelyia lya mbaṟe-i luwika wuragari na wukari wung'anyi.