Yohane 10:16 - Kivunjo New Testament 1999

¹⁶ Ngyiwoṙe na moondo gengyi, galakyeri ga mfiṟiga-chu; na igo nago kyingyiwaṟi igaende na kunu mfiṟigenyi, na ṟui lyako gechilyiaṙanyia. Naaho-ng'u kochiwaṙa poo lyimwi na mlyisi umwi.

Yohane 10:16 ပူးပေါင်းရင်းမြစ်များ

Matayo 17:5

Kyiyeri aweiṙeṙa, ipuchi lyiilyi lyikawaendie mrinje; na ṟui lyikawuka kulya ipuchinyi, lyikagamba, “Ichu nyi Mono-ko, mkunde oko, ngyimchihiye kyipfa kyakye; muaṙanyienyi oe.”

Luka 15:8

“Ang'u kuwoṙe mndu mka uha awoṙe shilyingyi ikumi, kaṙetsa imwi alechikoṟa taa na iaiya numba, na ipfula kui wuragari mṟasa naiwone?

Yohane 10:11

“Inyi nyi mlyisi mcha. Mlyisi mcha nekyereka moo okye kyipfa kya moondo.

Yohane 10:2

Aiṙia moongonyi nyi mlyisi o moondo.

Yohane 10:27

Moondo gako gekyemanya ṟui lyako; na inyi ngyiichi moondo-go, nago gekyengyiosha.

Yohane 10:3

Mringyi o moongo nekyepfunguya mlyisi-cho moongo, na moondo gekyemanya ṟui lyakye; na oe nekyelaga moondo gakye kui marina gawo, na igafumiṟia nja.

Yohane 10:4

Na oe kyiyeri afumiṟia nja moondo-go gakye goose, nekyegasongoya; na moondo galya gekyemwosha, cha kyipfa gaichi ṟui lyakye.

Yohane 10:5

Myenu gechimwosha maa ale-pfo, indi gechimṙicha; cha kyipfa gaichi maṟui ga wayenu-pfo.”

Yohane 11:52

Maa chi kyipfa kya uruka-lo tupu-pfo; kyaindi hamwi na isho nasanie wana woose wa Ruwa wanyanyaṟikyie; kundu wawe wamwi.

Yohane 17:20

“Maa chi iwo tupu ngyiwaterewia-pfo; kyaindi ngyiterewia na walya wechingyiiṙikyia kyipfa kya malosho gawo.

Yohane 6:37

Walya Awu angyienenga wechicha na koko; maa kuwoṙe mndu echicha na koko ngyimmbiyitse nja maa ale-pfo.

Mawuto Ga Wasu 15:14

Simion naluongoya chandu Ruwa ipfo mawookyionyi aleloṟa chandu ekyeembeṟa wandu walaiṙikyie Yesu kundu nasambuṟe wandu kyiiṙi kyawo kyipfa kya rina lyakye.

Mawuto Ga Wasu 18:10

cha kyipfa inyi ngyikyeri na iyoe, maa kuwoṙe mndu eiṙima ikukapa-pfo; cha kyipfa inyi ngyiwoṙe wandu wafoi kunu mṟinyi.”

Mawuto Ga Wasu 22:14

Kagamba, ‘Ruwa o waku waṙu nakusambuṟa iyoe uiṙime imanya shilya akundi, na iwona ulya awoṙe wusumganyi, na iicho kyindo agamba.

Waroma 11:25

Cha kyipfa wana wa wama wako, ngyikundi mulamanye wuṟikyi-wu-pfo, kundu mulachekusaṟa kye mulawaṟango; kye wuumu wo Waisiraelyi nyi kundu masanga gengyi gamanye Ruwa.

2 Watesalonikye 2:13

Kyaindi kyalukooya soe iana Ruwa mfiri yoose kyipfa kyanyu, wana wa wama mulekundo nyi Mndumii, cha kyipfa Ruwa nalemusambuṟa wookyia mawookyionyi muambilyie wukyiṟo, kyiiṙi kya iilyisho nyi Mumuyo, na iiṙikyia loi;

Waebrania 13:20

Kyasia, Ruwa o ufoṟo aleende-se iwuka ko wapfu Mlyisi Ang'anyi o moondo, kui samu ya mma o mlungana, oe Mndumii oṙu Yesu,

1 Petiro 2:10

Nyoe ipfo mawookyionyi muwei chi isanga-pfo, kyaindi wulalu nyi isanga lya Ruwa; mukyeri wandu mulawoṙe isaṟia, indi wulalu mowona isaṟia.

1 Petiro 2:25

Cha kyipfa muweiṙeka cha moondo; kyaindi wulalu mowiyilyia Mlyisi na Moambuya mrima yanyu.

1 Petiro 5:4

Na kyiyeri Mlyisi ang'anyi echiloṟo, mochiambilyia iṟikoso lya kyiṟumi, lyilya lyilekyenyamaṟika.

Ulogo 3:20

Ngyigoṟokyi moongonyi, ngyikapa hodi. Mndu kaicho ṟui lyako, na iṟuguo moongo, ngyechiiṙa na kokye, na inyi ngyechilya hamwi na oe, na oe hamwi na inyi.