Yohane 10:14 - Kivunjo New Testament 1999

¹⁴ Inyi nyi mlyisi mcha; na walya wakyeri wako ngyiwaichi; na walya wai wako wangyiichi inyi;

Yohane 10:14 ပူးပေါင်းရင်းမြစ်များ

Yohane 10:11

“Inyi nyi mlyisi mcha. Mlyisi mcha nekyereka moo okye kyipfa kya moondo.

Yohane 10:13

Icho nekyeṙicha cha kyipfa nyi mndu o wori; maa mbonyi tsa moondo chi kyindo kokye-pfo.

Yohane 10:27

Moondo gako gekyemanya ṟui lyako; na inyi ngyiichi moondo-go, nago gekyengyiosha.

Yohane 17:3

Na moo o mlungana nyi: ‘Wakumanye iyoe, Ruwa o loi kulawoṙe ungyi; na Yesu Kristo ulemṙuma.’

Yohane 17:8

Cha kyipfa malosho ulengyienenga ngyilewaṙambika; nawo wakagaambilyia, wakamanya loi kye ngyilewuka kopfo, wakaiṙikyia kye nyi iyoe ulengyiṙuma.

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

Wafilyipi 1:17

Ruwa o Mndumii oṙu Yesu Kristo, Awu o mng'ano, namuenengye nyoe Mumuyo o wunyotsu na o ishukuyo kui Mumuyo kyiiṙi kya immanya oe.

Wafilyipi 3:19

Na imanya ikunda lya Kristo lyieṟie wuṟango woose chandu lying'anyi, muiṙime iafutsia kui iafutsio lyoose lya Ruwa.

Waefeso 3:8

Yee, ngoseṟa ya isho, ngyiwonyi shindo shoose nyi sha wulya kyipfa kya wucha wung'anyi mnu wo imanya Kristo Yesu, Mndumii oko; ulya kyipfa kyakye ngyileṙetsa shindo shoose ngyechishiwona kye nyi mboshia kundu ngyiwone Kristo.

2 Timoteo 1:12

Kyipfa kya ikyo ngyileolokyio matuuro-ga maa ngyirigo nyi sonu-pfo; kyipfa ngyiichi icho ngyimwiṙikyie, na imanya piu kye neiṙima iringa kyilya ngyilekooma kokye mṟasa mfiri ulya.

2 Timoteo 2:19

Kyaindi urende lo Ruwa luluikare, na mbonyi tsa Ndumi Ngyicha tsingyiṟeie wuye yalo: “Mndumii naichi wai wakye na lyingyi-se, orio mndu ekyesenda Rina lya Mndumii naṙe wunyamaṟi.”

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.

Ulogo 2:13

Ngyiichi handu okyekaa. Nyi ho-ndu hawoṙe kyitima kya mng'ano kya Satana; na iyoe nuwoṙe mnu rina lyako, maa ulekana iiṙikyia lyako-pfo, maa mfiri ulya Antipa, mṟingyishi oko, mndu oko ekyeafutsia shilya ateṟia, alewoogo kyiiṙi kyanyu, halya-ndu Satana ekyekaa.

Ulogo 2:19

Ngyiichi mawuto gapfo, ikunda, iiṙikyia, wuṟundi na iweṙelyia lyapfo. Lyingyi-se kye mawuto gapfo ga mafurumionyi gang'ana kuta galya ga mawookyionyi.

Ulogo 2:2

Ngyiichi mawuto gapfo, na wukyiwa wopfo, na iweṙelyia lyapfo, na kye oiṙima ikaa na wandu wawicho-pfo. Lyingyi-se nuleyesha walya wekyegamba kye wo nyi wasu, nawo chi wasu-pfo, kowona kye wekyeṙeṙa wongo.

Ulogo 2:9

Ngyiichi wukyiwa wopfo na wufofo wopfo (kyaindi nui mnjama.) Ngyiichi na shilahio sha walya wekyegamba kye nyi Wayuda, nawo chi Wayuda-pfo, indi nyi sinagogi lya Satana.

Ulogo 3:1

“Na ko malaika o siṟi ikyeri Saridi ṟeia: ‘Ishi nyisho agamba ulya awoṙe mumuyo-yo mfungaaṙe ya Ruwa, na nyenyeri tsilya mfungaaṙe. Ngyiichi mawuto gapfo, kye nuwoṙe rina lya iwaṙa moo, na iyoe nupfiie.

Ulogo 3:15

Ngyiichi mawuto gapfo, kye uichololyia maa uiha-pfo. Kyiwechichia kokooya uweichololyia ang'u uweiha.

Ulogo 3:8

Ngakuenenga moongo mpfunguoe mbele yapfo, moongo kulawoṙe mndu echiiṙima iushinga, cha kyipfa nuwoṙe pfinya kyitutu, na iyoe noosha mawawaso gako, maa ulekana rina lyako-pfo.