Yohane 1:50 - Kivunjo New Testament 1999

⁵⁰ Yesu kagaluo, kammbia, “Kyipfa ngyilekuwia, ngyilekuwona wanda ya mfumu, noiṙikyia? Nochiwona shindo shing'anyi kuta ishi.”

Yohane 1:50 ပူးပေါင်းရင်းမြစ်များ

Matayo 13:12

Cha kyipfa orio oose awoṙe kyindo nechienengo, na oe nechipfumbutsio pacha; kyaindi orio oose alawoṙe kyindo, maa kyilya awoṙe nechisoko.

Matayo 21:19

Kawona mfumu umwi mbai ya njia, kayenda halya-ndu uwekyeri, alawone pfo kyindo sile maṟa tupu. Kauwia, “Kulawonekye ndunda kopfo wookyia inu mṟasa mlungana.” Mfumu ukouma cha ilyi.

Matayo 25:29

Cha kyipfa ulya awoṙe kyindo nechienengo, na iengyeṟio pacha; kyaindi alawoṙe kyindo, maa kyilya awoṙe nechisoko.

Luka 1:45

Na agusu icho aleiṙikyia; kyipfa isho alewio nyi Mndumii shechiafukyia.”

Luka 7:9

Kyiyeri Yesu aleicho isho, naleṟiyio, kaindukyia wuingyi wulya wo wandu, kawia walya wawemwosha, “Ngammbia ngyilandewone iiṙikyia lying'anyi kuṙi, kunu Isiraelyi-pfo.”

Yohane 1:49

Natanaelyi kamgaluo, kagamba, “Rabi, iyoe nyi Mana o Ruwa, nyi oe mangyi o Isiraelyi.”

Yohane 1:51

Kammbia, “Loi, loi ngammbia, mochiwona mapuchi geseia na malaika wa Ruwa wechiṙooya na isokyia wuye ya Mana o Adamu.”

Yohane 11:40

Yesu kammbia, “Inyi ngyilekuwia kye koiṙikyia nochiwona mng'ano o Ruwa?”

Yohane 20:29

Yesu kammbia, “Iyoe, kyipfa ongyiwona, noiṙikyia. Wagusu walya walawonyi kyaindi wakaiṙikyia.”