Yohane 1:45 - Kivunjo New Testament 1999

⁴⁵ Filyipo kawona Natanaelyi kammbia, “Lommbona ulya mbonyi tsakye tsingyiṟeie mawawasonyi ga Mose na weonguo shisuku, Yesu mana o Yosefu, mndu o Nasareti.”

Yohane 1:45 ပူးပေါင်းရင်းမြစ်များ

Matayo 10:3

Filyipo, na Baritolomayo, Tomasi, na Matayo msani o ukamba; Yakobo mana o Alyifayo, na Tadayo.

Matayo 13:55

Ichu chi mana o ulya ekyepacha mbau? Wamae chi ulya ekyelago Maria? Na wana wa wamae chi Yakobo, na Yosefu, na Simion, na Yuda?

Matayo 2:23

Kakaa mṟinyi uwekyelago Nasareti; kundu kyiafukyie kyindo kyileṙeṙo nyi weonguo shisuku: “Nechilago Mnasorayo.”

Matayo 21:11

Wuingyi wo wandu wukogamba, “Ichu nyi moonguo shisuku ulya, Yesu o Nasareti ya Galyilaya.”

Mariko 14:67

kawona Petiro eoṙa moṙo kamwitukuya, kagamba, “Maa iyoe nuwekyeri hamwi na Yesu, Mnasareti ulya.”

Mariko 6:3

Ichu chi ulya ekyepacha mbau, mana o Maria, na mono-wama o wako-Yakobo, Yose, Yuda, na Simion-pfoe? Na washikyi wakye wakyeri iha koṙu-pfoe?” Koikyo wakammina.

Luka 18:37

Wakammbia, “Yesu o Nasareti aiiṙa.”

Luka 2:4

Yosefu na oe nalefuma Galyilaya, awuka mṟi o Nasareti, kaṙo kayenda Uyuda mṟasa mṟi o Dawidi, okyelago Betilehemu, kyipfa oe nyi o kyishari kya Dawidi;

Luka 2:48

Lyilya walemmbona waleṟiyio, na wamae kammbia, “Mono-ko, ny'kyilyi oluwutia kuṙi? Awuyo na inyi luwekupfula luwoṙo nyi fowa mrimenyi.”

Luka 24:27

Kawooka wookyia Mose na weonguo shisuku woose, kawaongoya shiṟeionyi shoose, mbonyi tsakye oe amonyi.

Luka 24:44

Numa ya iho kawawia, “Igo nyigo maṙeṙo gako ngyilemmbia lyilya ngyiwekyeri hamwi na nyoe, kye kyakooya shiafutsio shoose Mose aleṟeia Uwawasonyi kyipfa kyako na shilya weonguo shisuku waleṟeia na shilya shishiṟeie shiimbonyi.”

Luka 3:23

Na Yesu amonyi, kyiyeri alewooka ilosha, nawewoṙe cha maka makumi gaṟaaṟu, echikusaṟo kye nyi mana o Yosefu, o Elyi.

Luka 4:22

Wakamṟingyishia woose, wechiṟiyio kyipfa kya shindo sha isaṟia aleṙeṙa, wakagamba, “Ichu chi mana o Yosefu-pfoe?”

Yohane 1:44

Na Filyipo nawekyeri mndu awukyie Betisaida, mṟi Anderea na Filyipo wawekyekaa.

Yohane 12:21

Kyasia Wakyiṟikyi-wo waleyenda ko Filyipo (awewukyie Betisaida urukyenyi lo Galyilaya), wakamterewa, wechigamba, “Mndumii, soe lukundi iwona Yesu.”

Yohane 14:8

Filyipo kammbia, “Mndumii luloṟe Awu, kyilushikyie.”

Yohane 18:5

Wo wakamgaluo, wakagamba, “Nyi Yesu o Nasareti.” Yesu kawawia, “Nyi inyi.” Yuda ulya alemṟiinga nawegoṟokyi hamwi nawo.

Yohane 18:7

Kawawesa-se, “Muipfula wui?” Wakagamba, “Yesu o Nasareti.”

Yohane 19:19

Na Pilato kaachikyia kyiṟeio, kakyiwikyia halya msalabenyi, kyigambie: “YESU O NASARETI, MANGYI O WAYUDA.”

Yohane 21:2

Simion Petiro, Tomasi awekyelago-se, (Wana wawafee wawi mfiri umwi), Natanaelyi awukyie Kana ya Galyilaya, wana wa Sebedayo, na wanalosho wengyi wawi, wawekyeri hamwi na oe.

Yohane 6:42

Wakagamba, “Ichu chi Yesu, mana o Yosefu, ulya luichi awuye na wamae? Wulalu naigamba kuṙa, ‘Ngyilesoka iwuka ruwewu?’”

Yohane 6:5

Kyasia kyiyeri Yesu alewona ṟiima lying'anyi lya wandu lyechicha na kokye nalewia Filyipo, “Luguṟe kwi mkate kundu wandu-wa waiṙime ilya?”

Yohane 6:7

Filyipo kamgaluo, kagamba, “Mkate ya woguru wo dinari magana gawi gewashika maa kokooya orio umwi alya kyitung'tu-pfo.”

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 2:22

“Nyoe wasoṟo wa Isiraelyi, aṙanyienyi mbonyi-tsi: Yesu awukyie Nasareti, mndu Ruwa alemloṟa konyu kui ṟigo na shindo sheṟiyisha, Ruwa aletsiwuta amonyi, chandu nyoe muichi.

Mawuto Ga Wasu 22:8

Ngagaluo ngagamba, ‘Iyoe nyi wui, Mndumii?’ Kangyiwia, ‘Inyi nyi Yesu o Nasareti, ulya iyoe umlyisa wukyiwa.’

Mawuto Ga Wasu 26:9

Loi, inyi ngyilewona mrimenyi koko kye kyingyiwaṟi iwuta shindo shifoi shelyisa wukyiwa walya wekyeosha Yesu awukyie Nasareti;

Mawuto Ga Wasu 3:6

Kyaindi Petiro kagamba, “Inyi ngyiwoṙe heleri, maa sahapu-pfo, indi kyilya ngyiwoṙe ny'kyo ngyikuenenga. Ko rina lya Yesu Kristo awukyie Nasareti, goṟoka uyende.”