Yohane 1:18 - Kivunjo New Testament 1999

¹⁸ Kuwoṙe mndu alemmbona Ruwa kyiyeri kyoose-pfo. Mana kyimuumwi ai cha Ruwa nyi oe aleshukuo mbonyi tsakye.

Yohane 1:18 ပူးပေါင်းရင်းမြစ်များ

Matayo 11:27

Kagamba, “Ngyimṙambikye shoose na Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya Mana akunda imtambuluya.

Luka 10:22

Kagamba, “Ngyimwenengye shoose nyi Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya mana akundi imshukuya.”

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 12:41

Mbonyi-tsi Yesaya naletsionguo, cha kyipfa nalewona mng'ano okye, kasenda mbonyi tsakye.

Yohane 13:23

Na kuwewoṙe umwi o wanalosho wakye, aweṙamie kufuhi na Yesu; Yesu awemkundi.

Yohane 14:9

Yesu kammbia, “Inyi ngyiwekyeri hamwi na nyoe mfiri yoose, iyoe ulangyimanye Filyipo? Angyiwona inyi nawona Awu. Kyasia iyoe nuigamba kuṙa ‘ululoṟe Awu?’

Yohane 17:26

Na inyi ngyilewaloṟa iyoe nyi wui, lyingyi-se ngyechiengyeṟa iwuta kuṙo, kundu ikunda lyilya ulyiwoṙe koko lyikae mrimenyi kowo na inyi ngyiwe kyindo kyimwi nawo.”

Yohane 17:6

Walya ulengyienenga kunu wuyanenyi ngyilewashukuya kyiṟumi kyapfo. Wawekyeri wapfo, kowangyienenga, na malosho gapfo wekyegaosha.

Yohane 3:11

Ny'kyaloi ngakuwia kye, kyilya lukyiichi lukyionguo, na kyilya lulekyiwona lukyiṟingyishia. Kyaindi maa wuṟingyishi woṙu muwuiṙikyia-pfo.

Yohane 6:46

Chi kye mndu nawona Awu sile ulya awukyie ko Ruwa-pfo. Icho nyi oe alewona Awu.

2 Wakorinto 4:4

wakyeri kye kyiiṙi kyawo ruwa o wuyana-wu naleshingyia makusaṟo ga iwo walaiṙikyie, walachekooyo nyi ngyeela ya Ndumi Ngyicha ya mng'ano okye Kristo akyeri fana ya Ruwa.

Wakolosai 1:15

Kristo nyi mfano o Ruwa alekyewono, mmbele o shindo shoose shishigumbe.

1 Timoteo 1:17

Wulalu ko Mangyi o shiyeri shoose, alekyerumatso, alekyewono na meso, Ruwa alawoṙe ungyi ai cha oe, kokye kuwaṙe wuindi na kyiṟumi mlungana na mlungana. Amen.

1 Timoteo 6:16

Ulya alekyepfa, akyeri ngyeelenyi ilekyeiṙima irumisho; maa kulawoṙe mndu alemummbona, maa eiṙima immbona. Kyiyeri kyoose naenengo kyiṟumi na pfinya mṟasa mlungana. Amen.

1 Yohane 4:12

Kuwoṙe mndu alemmbona Ruwa kyiyeri kyoose-pfo. Lukokundana, Ruwa nekyekaa mrimenyi koṙu, na ikunda lyakye lying'anyi mnu mrimenyi koṙu.

1 Yohane 4:20

Mndu kagamba, “Ngyikundi Ruwa,” na oe nasuuye mono-wama okye, nai moṙeṙa wongo; cha kyipfa alakundi mono-wama okye ulya ammbonyi, eiṙima ikunda Ruwa ulya alandemmbone-pfo.

1 Yohane 4:9

Kyipfa kya ikyo ikunda lya Ruwa lyilewoneka koṙu, kye Ruwa naleṙuma Mono-kye kyimuumwi wuyanenyi, kundu luwaṙe moo kui oe.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.