Yohane 1:16 - Kivunjo New Testament 1999

¹⁶ Kyipfa awoṙe mboṟa tsifoi soe loose luleambilyia isaṟia lying'anyi.

Yohane 1:16 ပူးပေါင်းရင်းမြစ်များ

Matayo 13:12

Cha kyipfa orio oose awoṙe kyindo nechienengo, na oe nechipfumbutsio pacha; kyaindi orio oose alawoṙe kyindo, maa kyilya awoṙe nechisoko.

Matayo 3:11

Ny'kyaloi inyi ngyimpatisa kui mṟinga kyipfa kya iṙumbuya wunyamaṟi; kyaindi ulya aicha numa yako nawoṙe pfinya kuta inyi, ngyiwaṟi maa iira shiaṙu shakye-pfo; oe nechimpatisa kui Mumuyo Mweele na kui moṙo.

Matayo 3:14

Kyaindi Yohane katambagana imshingyia, echigamba, “Inyi ngyilangyie ipatiso nyi iyoe, na iyoe nuicha na koko?”

Luka 21:15

cha kyipfa inyi ngyemuenenga maṙeṙo na wuṟango watuuri wanyu woose walechiiṙima iwingana nawo maa imulega.

Yohane 3:34

Cha kyipfa ulya amṙume nyi Ruwa nekyeonguo mbonyi tsa Ruwa; cha kyipfa ekyeenengyia Mumuyo kui iehia-pfo.

Waroma 5:17

Kyipfa kokooya kui iṙeko lya mndu umwi upfu lulechilyia kyipfa kya ulya umwi, ngoseṟa mnu iwo wekyeambilyia isaṟia lyifoi, na kyienengo kyilya kya wusumganyi, wechichilyia moonyi kui ulya umwi, Yesu Kristo.

Waroma 5:2

Ulya kui oe lulewona kui njia ya iiṙikyia ikooya isaṟia-lyi lugoṟokyi kyiiṙi kyalyo; na ichihiyo ikusurienyi lya mng'ano o Ruwa.

Waroma 5:20

Indi mawawaso galecha kundu ṙeko lyilya lying'ane mnu. Na kyiyeri wunyamaṟi wuleengyeṟika, isaṟia lyiwefoi ngoseṟa;

Waroma 8:9

Kyaindi kokooya Mumuyo o Ruwa nakyeri mrimenyi konyu, nyoe muiosha mmbiu-pfo; indi muiosha Mumuyo. Kyaindi kokooya mndu oose alawoṙe Mumuyo o Kristo, icho chi okye-pfo.

Wafilyipi 1:23

nyiyo mmbiu okye, na iafutsia lyakye oe ekyeenenga shindo shoose iafutsio koose.

Wafilyipi 3:19

Na imanya ikunda lya Kristo lyieṟie wuṟango woose chandu lying'anyi, muiṙime iafutsia kui iafutsio lyoose lya Ruwa.

Wakolosai 1:19

Cha kyipfa kyilechihiṟa iafutsio lya Ruwa lyoose lyikae kyiiṙi kya Kristo.

Wakolosai 2:3

akyeri kye kyiiṙi kyakye oe shiseyesoe shoose sha wuṟango na imanya shishiṟikye.

1 Petiro 1:11

Wakapfula nyi kyiyeri kyiha, na nyi kyiyeri kya mbaṟe iha kyileikyimbo nyi Mumuyo o Kristo awekyeri mrimenyi kowo, ulya alesonguo iṟingyishia matuuro Kristo echienengo, na kyiṟumi kyekokyikyeri pfo numa ya isho.

1 Petiro 1:2

Chandu Ruwa Awu alesonguo imumanya kui imuilyisha nyi Mumuyo, mṟasa mukoiṙima iindia na inyanyatsio samu ya Yesu Kristo. Isaṟia na ufoṟo shiengyeṟo konyu.