Yohane 1:14 - Kivunjo New Testament 1999

¹⁴ Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 1:14 ပူးပေါင်းရင်းမြစ်များ

Matayo 1:16

Yakobo kafee Yosefu mii o Maria alefee Yesu elago Kristo.

Luka 2:11

Kyipfa inu mṟinyi o Dawidi nafeo, kyipfa kyanyu, Mkyiṟa, nyi oe Kristo Mndumii.

Luka 2:7

kafee mono-kye mmbele, kamṟika nguwo tsa kyikoku, kamlaṟa mugondinyi o umbe, kyipfa walewona ṙaawa numbenyi ya wayenu-pfo.

Luka 9:32

Petiro hamwi na walya wawei na oe wawewalemie nyi maṙoe; kyaindi kyiyeri wamuamkye walewona mng'ano okye, na walya wawi walegoṟoka hamwi na oe.

Yohane 1:1

Ipfo mawookyionyi wuyana wulandegumbo kuwewoṙe Ṙeṙo, na Ṙeṙo nawekyeri ko Ruwa, na Ṙeṙo nawei Ruwa.

Yohane 11:40

Yesu kammbia, “Inyi ngyilekuwia kye koiṙikyia nochiwona mng'ano o Ruwa?”

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 14:9

Yesu kammbia, “Inyi ngyiwekyeri hamwi na nyoe mfiri yoose, iyoe ulangyimanye Filyipo? Angyiwona inyi nawona Awu. Kyasia iyoe nuigamba kuṙa ‘ululoṟe Awu?’

Yohane 17:22

Na inyi mng'ano ulya ulengyienenga ngyilewaenenga; kundu wawaṙane tapu chandu soe luwaṙanyi tapu.

Yohane 17:24

Awu, iwo ulengyienenga ngyikundi wakae handu hamwi na inyi orio handu ngyikyeri, waiṙime iwona mng'ano ulengyienenga; cha kyipfa nulengyikunda wookyia wuyana wulagumbo.

Yohane 18:37

Kyasia Pilato kammbia, “Kokooya nyi wuṙo iyoe nyi Mangyi-ng'ue?” Yesu kagaluo, kagamba, “Nogamba kye inyi nyi Mangyi. Ngyilefeo kunu wuyanenyi kyipfa kya kyindo kyimwi tupu, ionguo mbonyi tsa loi. Orio mndu aichi mbonyi-tso tsa loi nekyeosha shilya ngyekyegamba.”

Yohane 2:11

Kyindo-kyi kya kuwooka kya kyiṟiyisho Yesu nalekyiwuta kulya Kana ya Galyilaya, kaṟingyishia mng'ano okye, na wanalosho wakye wakamwiṙikyia.

Yohane 3:16

Cha kyipfa nyi wuṙo Ruwa alekunda wuyana, katana awuta Mana okye kyimuumwi, kundu orio mndu amwiṙikyie alaṙekye, indi nawaṙe moo o mlungana.

Yohane 3:18

Amwiṙikyie oe echianduyo-pfo; alaiṙikyie amwanduyo; cha kyipfa aiṙikyia rina lya Mana kyimuumwi o Ruwa-pfo.

Yohane 6:51

Ikyi nyi kyelya kyiwoṙe moo kyilesoka iwuka ruwewu; mndu kalya kyelya-kyo, nechiwaṙa moo mlungana. Na kyelya ngyechienengyia inyi nyi mmbiu oko, kundu wuyana wuwaṙe moo.”

Yohane 8:32

lyingyi-se mochimanya wuloi wo mbonyi tsa Ruwa, na wuloi-wo wochimmbuta wusingyenyi.”

Mawuto Ga Wasu 13:33

kye Ruwa naleafutsia kyaasa-kyo ko wana waṙu, kui iṟutsa Yesu; chandu kyikyiṟeie Kyiimbonyi kya Kawi, ‘Iyoe nyi oe Mono-ko, inyi inu ngawa Awuyo.’ ”

Waroma 8:3

Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

Waroma 9:5

Iwo wakyeri wachuku wa waku, na kyiiṙi kya iwo kulewuka Kristo kui mbaṟe ya mmbiu. Nyi oe akyeri wuye ya shindo shoose, Ruwa, ekyeano shiyeri shoose. Amen.

1 Wakorinto 15:47

Mndu o kuwooka nalewuka urukyenyi, nyi o teri. Mndu o kawi nalewuka ruwewu.

2 Wakorinto 12:9

Na oe kangyiwia, “Isaṟia lyako lyikushikyie; kyipfa wuiṙimi woko wokyeafukyia wufofonyi.” Kyasia ngyekushelyia wufofo woko kui sia ing'anyi, kundu wuiṙimi wo Kristo wukae na inyi.

Wagalatia 4:4

Na lyilya kyiyeri kyilya kyiwekyikunde kyileafukyia, Ruwa naleṙuma Mono-kye, ulya alefeo nyi mndu mka, nafeo wuchilyinyi wo mawawaso,

Wafilyipi 3:8

Inyi, ngyikyeri mtutu kuta ulya akyeri mtutu o wandu wa Ruwa woose, ngyileenengo isaṟia-lyi lyeongoya wandu walaiṙikyie Ruwa wunjama wo Kristo wulekyeiṙima iyeṟo;

Wakolosai 1:19

Cha kyipfa kyilechihiṟa iafutsio lya Ruwa lyoose lyikae kyiiṙi kya Kristo.

Wakolosai 2:3

akyeri kye kyiiṙi kyakye oe shiseyesoe shoose sha wuṟango na imanya shishiṟikye.

Wakolosai 2:9

Kyipfa kyiiṙi kyakye nyi pfo-ndu iafutsia lyoose lya Ruwa lyikyeri, kui mbaṟe ya kyimmbiu.

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waebrania 1:5

Cha kyipfa nalewia malaika uha kyiyeri kyoose, “Iyoe nyi mono-ko, inyi inu ngakufee?” Na lyingyi-se, “Inyi ngyechiwa awu kokye, na oe nechiwa mana koko?”

Waebrania 10:5

Koikyo ilyi echicha na wuyanenyi, nagamba, “Shiṙaso na shienengo ulekunda-pfo; kyaindi mmbiu nulengyiṟeyeṟia;

Waebrania 2:11

Kyipfa ulya ekyeilyisha na walya wekyeilyisho woose wawukyie ko mndu umwi. Kyipfa kya ikyo ekyerigo nyi sonu iwalaga wana wa wamae-pfo.

Waebrania 5:5

Na wuṙo Kristo na oe alekuṙosa mrimenyi kokye na iṙuo kyiṟumi kya iwa Mkohanyi ang'anyi kuta woose-pfo, kyaindi nyi Ruwa alemmbia, “Iyoe nyi Mono-ko inu ngawa Awu opfo.”

1 Yohane 4:14

Na soe lowona na iṟingyishia kye Awu naleṙuma Mana iwa Mkyiṟa o wuyana.

1 Yohane 4:9

Kyipfa kya ikyo ikunda lya Ruwa lyilewoneka koṙu, kye Ruwa naleṙuma Mono-kye kyimuumwi wuyanenyi, kundu luwaṙe moo kui oe.

2 Yohane 1:7

cha kyipfa walembi wafoi wammboneka wuyanenyi, walaiṙikyie kye Yesu Kristo naicha kyiiṙi kya mmbiu. Icho nyi oe mlembi ulya na mowingana na Kristo.

Ulogo 19:13

Na oe naṟee nguwo ingyilolomikye samunyi, na rina lyakye nyi Ṙeṙo lya Ruwa.

Ulogo 21:3

Ngaicho ṟui lying'anyi iwuka kyiṙinyi kya mng'ano lyechigamba, “Handu ha Ruwa hekaa nyi hamwi na wandu, na oe nechikaa handu hamwi nawo, nawo wechiwa wandu wakye na oe nechiwa Ruwa owo.