Yakobo 5:9 - Kivunjo New Testament 1999

⁹ Wana wa wama, maa mulanunuwiane, mulacheanduyo. Ambuyenyi moanduya nagoṟokyi mbele ya moongo.

Yakobo 5:9 ပူးပေါင်းရင်းမြစ်များ

Matayo 24:33

Na nyoe taa, ilyi mowona isho shoose, manyenyi kye Mono-Adamu nakyeri kufuhi, moongonyi.

Mariko 13:29

Na nyoe taa, mukowona mbonyi-tso tsewooka, manyenyi kye nai kufuhi moongonyi.

Mariko 6:19

Na Herodia naweimwotia, kapfula immbaaga, alaiṙime.

1 Wakorinto 10:11

Kyasia shindo-sho shilewutika kowo kui mfano, shikaṟeio kundu shiluikyimbie soe, wa shiyeri-shi shikyeri kufuhi na mafurumionyi.

1 Wakorinto 4:5

Kyasia nyoe mulangyianduye kye ngyimmbicho kyipfa kya kyindo kyoose kyiyeri kyilashika, mṟasa ilyi Mndumii echicha; ulya echiloṟa shilya shikuṟiikyie meemenyi, na iloṟa makusaṟo gakyeri mrimenyi; nyi lyo-ndu orio mndu echiwona kyiṟumi kyakye ko Ruwa.

2 Wakorinto 9:7

Orio mndu nawute chandu akusurie mrimenyi kokye, chi kui ikuinaṙia, maa chi kui iitiko-pfo; kyipfa Ruwa nakundi ulya ekyeenengyia kui mrima mkyesi.

Wagalatia 5:14

Kyipfa uwawaso loose lukyeri kyindonyi kyimwi tupu, nakyo nyi ikyi, “Ukunde momṟasa opfo chandu ukukundi kumonyi.”

Wagalatia 5:26

Maa lulakushele wulya, lochisouana na iwoniana wunyeng'i.

Yakobo 4:11

Wana wa wama, maa mulairiane wongo. Moiria mono-wamae wongo, ang'u ianduya mono-wamae, nekyeiria wongo na ianduya uwawaso. Kyaindi koanduya uwawaso, noṙa iindia na iwooka ianduya.

Yakobo 4:12

Nyi Ruwa amonyi tikyi ekyewika uwawaso na nyi oe moanduya wandu. Nyi oe echiiṙima ikyiṟa na irumatsa. Iyoe nyi wui uianduya mndu ungyi?

Yakobo 5:10

Wana wa wama wako, weonguo shisuku walya waleende ndumo ya Ruwa nyi mfano mcha o wandu walekarishia matuuro.

Yakobo 5:7

Koikyo, wana wa wama, karishienyi, mṟasa icha lya Mndumii. Ambuyenyi chandu mṙemi ekyeweṙelyia shilyimu sha woguru wung'anyi. Nekyekarishia kyipfa kyasho mṟasa mvuo tsa kuwooka na tsefurumia tsikape.

1 Petiro 4:5

Nawo wechionguo shindo walewuta ko ulya akuṟeyeṟie ianduya wai na moo na wapfu.

1 Petiro 4:9

Muambilyiane nyoe wenyi ko wenyi kulawoṙe inuṟia;

Ulogo 3:20

Ngyigoṟokyi moongonyi, ngyikapa hodi. Mndu kaicho ṟui lyako, na iṟuguo moongo, ngyechiiṙa na kokye, na inyi ngyechilya hamwi na oe, na oe hamwi na inyi.